સ્પોર્ટ્સ / કોહલી અને અનુષ્કાએ અલીબાગમાં ખરીદી 37.86 કરોડની જમીન, તેમાં કરશે આ મોટું કામ

ક્રિકેટર વિરાટ કોહલી અને બોલીવુડ અભિનેત્રી અનુષ્કા શર્માએ જમીનનો મોટો ટુકડો ખરીદ્યો છે. એક રિપોર્ટ પ્રમાણે આ દંપતીએ અલીબાગમાં 5.19 એકર જમીન ખરીદી છે જેમાં બે પ્લોટ છે. તેમણે મહારાષ્ટ્રના રાયગઢ જિલ્લામાં આ જમીન ખરીદી હતી.

વિરાટ અને અનુષ્કાએ આ માટે 37.86 કરોડ રૂપિયા ચૂકવ્યા હતા. દરિયાકાંઠાના વિસ્તારમાં આ દંપતીની બીજી જમીન ખરીદી છે. અગાઉ તેઓએ 8 એકર જમીન ખરીદી હતી. આ જમીન ફાર્મહાઉસ બનાવવા માટે ખરીદી હતી.

કેટલી સ્ટેમ્પ ડ્યુટી ચૂકવી?

મળતી માહિતી પ્રમાણે વિરાટ કોહલી અને અનુષ્કા શર્માએ મંગળવારે 2.27 કરોડ રૂપિયાની સ્ટેમ્પ ડ્યુટી ચૂકવીને જમીન ખરીદી હતી. વિરાટ અને અનુષ્કાએ ખરીદેલી જમીનમાં એક પ્લોટ 3.6 એકરનો છે જ્યારે બીજો પ્લોટ 1.55 એકરનો છે.રાયગઢમાં હાલમાં મોટી સંખ્યામાં મિલકત ખરીદી થઈ રહી છે. આ શહેર મુંબઈની બહારના લોકોને આકર્ષી રહ્યું છે.

આ પણ વાંચોઃ ક્રિકેટમાં આવી રહ્યો છે ગજબનો નિયમ, બેટર નહીં કરે ફિલ્ડિંગ, બદલાઈ જશે તસવીર

કનેક્ટિવિટી ઝડપથી વધી રહી છે

તાજેતરના વર્ષોમાં રાયગઢ એક લોકપ્રિય સ્થળ તરીકે ઉભરી આવ્યું છે. આનું કારણ મુંબઈ સાથેની તેની સુધારેલી કનેક્ટિવિટી છે. મુંબઈ ટ્રાન્સ-હાર્બર લિંક, ફેરી અને સ્પીડબોટ સેવાઓએ મુંબઈ અને અલીબાગ વચ્ચે મુસાફરીનો સમય ઘટાડ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ