જંગલોમાં હીંસક પ્રાણીઓથી બચવાની સલાહ આપવામાં આવે છે. કેમ કે તે ખુંખાર પ્રાણીઓ તેમનાથી કમજોર પ્રાણીઓને મારીને તેનો ખોરાક બનાવી દેતા હોય છે. આ ખૂંખાર પ્રાણીઓમાં સિંહ,વાઘ, ચિત્તા સહિતનો સમાવેશ થાય છે. આ પ્રાણીઓ કેટલીક વાર શિકાર માટે એક બીજા સાથે પણ લડી પડતા હોય છે. તેમની આ લડાઈ એટલી ભીંસણ હોય છે કે, તે જોનારાના પણ રુંવાડા ઉભા થઈ જતા હોય છે. આવો જ એક વીડિયો સોશિયલ મીડિયામાં વાયરલ થયો છે. જેમાં બે વાઘ એક શિકાર માટે જોરદાર લડી રહ્યા છે.
આ વીડિયોને સોશિયલ મીડિયા પ્લેટફોર્મ X પર @rameshpandeyifs નામના એકાઉન્ટ પર શેર કરવામાં આવ્યો છે. જેમાં તેને કેપ્શનમાં લખ્યુ છે કે," મોબાઈલ કેમેરાએ પ્રાકૃતિક ઇતિહાસ અને પશુ નૈતિકતાના આવા દુર્લભ ક્ષણોને કેદ કરવાના સારા મોકાઓ આપ્યા છે. આ વીડિયોને અત્યાર સુધી 106K વ્યૂઝ મળી ચૂક્યા છે અને અનેક પ્રતિક્રિયા પણ મળી રહી છે.
આ વાયરલ વીડિયોમાં જોઈ શકાય છે કે, એક વાઘ હરણનો શિકાર કરે છે, વાઘ તેને ખાવાની તૈયારીમાં હોય છે તેવામાં એક બીજો વાઘ ત્યાં પહોંચી આવે છે અને તે શિકાર પર કબ્જો કરવાનો પ્રયાસ કરે છે. જે વાઘે શિકાર કર્યો હતો તે વાઘ બીજા વાઘ કરતા કદમાં નાનો હોય છે છતા તે બાથે ભીડાઈ જાય છે. બાદમાં બંન્ને વાઘ શાંત પડે છે. પરંતુ જે વાઘ સાઈઝમાં મોટો હોય છે તે વાઘ શિકાર પર કબ્જો કરી લે છે અને નાનો વાઘ જોતો રહી જાય છે.
વધુ વાંચો : પાળતું કુતરાથી પણ સાવધાન રહેજો, કેમેરામાં કેદ થયા ભયાનક દ્રશ્ય, જુઓ વીડિયો
આ વીડિયો પર અનેક પ્રકારની પ્રતિક્રિયાઓ આવી છે. એક યુઝરે લખ્યુ હતુ કે "વાઘે તેના લંચ માટે ફૂડ ડિલીવરી એપનો ઉપયોગ કરવાની જરુર હતી" તો બીજા એક યુઝરે લખ્યુ હતુ કે આ વીડિયો મોબાઈલમાં નહીં પણ કેમેરામાં શૂટ થયો લાગે છે.
