દુર્ઘટના / મધ્યપ્રદેશના છતરપૂરમાં બે બસ વચ્ચે ભીષણ ટક્કર,80 થી વધુ પ્રવાસીઓ ઘાયલ, 25ની સ્થિતિ ગંભીર

• મધ્યપ્રદેશમાં ભયાનક દુર્ઘટના 
• બે પ્રવાસી બસ વચ્ચે ટક્કર 
• 80 પ્રવાસી ઘાયલ,25 ગંભીર 

મધ્યપ્રદેશના છતર પૂરમાં ભયાવહ સડક દુર્ઘટનામાં 80 જેટલા પ્રવાસીઓ ઘવાયા છે જ્યારે ૨૫નિ સ્થિતિ ગંભીર દર્શાવાઈ રહી છે. મધ્ય પ્રદેશના છતર પૂરમાં બે પ્રવાસી બસ વચ્ચે ભીષણ દુર્ઘટના સર્જાઈ હતી. આ અક્સમાતમાં 80 થી વધારે પ્રવાસીઓ ઘયાલ થયા હોવાની માહિતી છે.દુર્ઘટના છતરપૂર જિલાના ગૂલગંજ વિસ્તારમાં ઘટી હતી.તમામ ઘાયલોને સારવાર માટે હોસ્પીટલમાં મોકલી દેવાયા છે. 

પ્રાપ્ત માહિતી અનુસાર, છતરપૂરથી બડા મલહરા તરફ જઈ રહેલી બસ ગુલગંજ માં રોકાઈને મુસાફરોને બેસાડી રહી હતી,ત્યારે જ પૂર ઝડપે પાછળથી આવી રહેલી અન્ય એક બસે, ઉભેલી બસને જોરદાર ટક્કર મારી હતી. ટક્કર એટલી ભયંકર હતી કે, પાછળથી ટકરાયેલી બસના પતરાં ઉડી ગયા હતા. તો ઉભેલી બસ પણ પલટી ગઈ હતી.દુર્ઘટના સમયે બંને બસમાં ખીચોખીચ પ્રવાસીઓ ભર્યા હતા.ઘટનામાં 80 પ્રવાસીઓને ઈજા થવા પામી છે.જેમાંથી 20 થી 25 પ્રવાસીઓની સ્થિતિ ગંભીર દર્શાવાઈ રહી છે.