તમારા કામનું / VIDEO: આ એક સેટિંગ બદલીને તમારી ગમતી ભાષામાં વાપરો તમારું WhatsApp

વોટ્સએપ આપણા જીવનનો એટલો મહત્વનો ભાગ બની ગયો છે કે નવો ફોન લેતાની સાથે જ સૌથી પહેલા આપણે તેમાં વોટ્સએપ ઇન્સ્ટોલ કરીએ છીએ. WhatsApp આજે વિશ્વની સૌથી મોટી ઇન્સ્ટન્ટ મલ્ટીમીડિયા મેસેજિંગ એપ્લિકેશન બની ગઈ છે અને રિપોર્ટ અનુસાર ફક્ત ભારતમાં 55 કરોડથી વધુ લોકો તેનો ઉપયોગ કરે છે એમ છતાં હજુ પણ ઘણા એવા યુઝર્સ છે જેઓ નથી જાણતા કે આપણે વોટ્સએપ પર અલગ-અલગ ભાષાઓમાં ઉપલબ્ધ છે.

મોટાભાગના લોકો ડિફોલ્ટ ભાષા એટલે કે અંગ્રેજીમાં WhatsAppનો ઉપયોગ કરે છે, પરંતુ શું તમને ખબર છે કે WhatsApp iOS પર 40 થી વધુ ભાષાઓમાં અને Android પર 60 થી વધુ ભાષાઓમાં ઉપલબ્ધ છે, જેમાં હિન્દી, બંગાળી, તમિલ અને ગુજરાતી જેવી 11 ભારતીય ભાષાઓ પણ સામેલ છે.

આ રીતે તમારું WhatsApp ગુજરાતીમાં વાપરો

હવે જો તમે તમારું WhatsApp ગુજરાતીમાં વાપરવા માંગો છો તો આ માટે એન્ડ્રોઇડ યુઝર્સ સૌથી પહેલા ફોનમાં WhatsApp ખોલો અને જમણી બાજુએ દેખાતા ત્રણ ડોટ પર ક્લિક કરો. હવે સેટિંગ્સમાં જઈને એપ લેંગ્વેજ પર ક્લિક કરો. આ પછી ગુજરાતી ભાષા પસંદ કરો.

વધુ વાંચો: વોટ્સએપ સાથે આવું થશે તો તરત થઈ જશે બંધ, કોઈનું નહીં ચાલે, કંપનીએ આપી મોટી ધમકી

પણ જે લોકો iPhone યુઝર્સ છે એમને WhatsAppની ભાષા બદલવાની પ્રક્રિયા થોડી અલગ છે. તમારા iPhoneની જે જનરલ લેંગ્વેજ છે એ જ તમારા WhatsAppની લેંગ્વેજ રહેશે અને તેને ચેન્જ કરવા માટે, આઇફોન યુઝર્સે WhatsApp નહીં પણ ફોનની સેટિંગ્સ પર જવાનું છે અને પછી 'જનરલ' ઓપ્શન પર ક્લિક કરવાનું છે.. એના પછી તમને 'Language and Region' નો વિકલ્પ દેખાશે જ્યાંથી તમે 'iPhone Language' ના ઓપ્શન પર જઈને લેંગ્વેજ બદલી શકો છો.