લોકસભા ચૂંટણી 2024 / ચૂંટણી બાદ બિહારના સારણમાં હિંસા ફાટી નીકળી, ગોળીબારમાં એકનું મોત, બે ઘાયલ, ઇન્ટરનેટ બંધ

બિહારની સારણ લોકસભા સીટ પર સોમવારે પાંચમા તબક્કાનું મતદાન થયું હતું અને તેના એક દિવસ બાદ આજે એટલે કે મંગળવારે હિંસાના સમાચાર સામે આવી રહ્યા છે. બિહારમાં આજે બંને પક્ષો વચ્ચે ગોળીબાર થયો હતો, જેમાં એક વ્યક્તિનું મોત થયું છે અને બે ઘાયલ થયા છે.

મંગળવારે બંને પક્ષો વચ્ચે ગોળીબાર થયો હતો

રિપોર્ટ અનુસાર બીજેપી અને આરજેડીના સમર્થકો એકબીજા સાથે અથડાયા હતા. મંગળવારે બંને પક્ષો વચ્ચે ગોળીબાર થયો હતો. આ ઘટનામાં ત્રણ લોકોને ગોળી વાગી છે. કહેવાય રહ્યું છે કે સોમવારે સાંજે મતદાન કેન્દ્ર પર થયેલા વિવાદને કારણે આ ઘટના બની હતી. માહિતી મળતાં જ વિસ્તારની પોલીસ ઘટનાસ્થળે પહોંચી ગઈ હતી.

રોહિણી આચાર્ય સારણ લોકસભા સીટથી ચૂંટણી લડી રહી છે

આજે સવારે એક પક્ષે બીજા પક્ષના વ્યક્તિને ગોળી મારી હતી. ઘાયલોને પટના રીફર કરવામાં આવ્યા છે. જણાવી દઈએ કે પૂર્વ સીએમ લાલુ યાદવની પુત્રી રોહિણી આચાર્ય સારણ લોકસભા સીટથી ચૂંટણી લડી રહી છે. રોહિણી છપરામાં એક બૂથ પર પહોંચી ત્યારે વિવાદ થયો હતો. એવામાં આજે સારણમાં ગોળીબાર થયો છે.

ઇન્ટરનેટ પણ બે દિવસ બંધ કરવામાં આવ્યું

સોમવારે મતદાન દરમિયાન આરજેડી ઉમેદવાર રોહિણી આચાર્ય પણ છપરાના ભીખારી ઠાકુર ચોક વિસ્તારમાં પહોંચી હતી. આ દરમિયાન હોબાળો પણ થયો હતો. ઘટના બાદ સારણના એસપીએ કહ્યું કે, "RJD અને બીજેપી કાર્યકર્તાઓ વચ્ચે વિવાદ થયો હતો. આજે કેટલાક લોકોએ તેને લઈને ગોળીબાર કર્યો છે. કાર્યવાહી કરવામાં આવી રહી છે અને અહીં ઇન્ટરનેટ પણ બે દિવસ બંધ કરવામાં આવ્યું છે."