- ઈન્ડિયન ક્રિકેટ ટીમના ચાહકો આ દિવસને યાદ રાખવા નથી માંગતા.
- વર્લ્ડ કપમાં હાર બાદ ખેલાડીઓ સાથે કરોડો ચાહકોના દિલ તૂટ્યા હતા.
- વર્લ્ડ કપ ફાઈનલનો વિરાટ કોહલીનો વધુ એક વીડિયો વાયરલ થયો છે.
19 નવેમ્બર 2023 આ દિવસ ઈન્ડિયન ક્રિકેટ ટીમના ચાહકો યાદ રાખવા નથી માંગતા. જ્યારે જ્યારે વર્લ્ડ કપ ફાઇનલમાં ટીમ ઈન્ડિયાને હાર મળી છે ત્યારે ત્યારે ખેલાડીઓ સાથે કરોડો ચાહકોના દિલ તૂટ્યા છે. આ વનડે વર્લ્ડ કપ હાર્યા બાદ જે ખેલાડીઓની તસવીરો સામે આવી હતી તેણે ચાહકોને વધુ ભાવુક બનાવી દીધા હતા.
આ દરમિયાન વર્લ્ડ કપ ફાઈનલ સાથે જોડાયેલ વિરાટ કોહલીનો વધુ એક વીડિયો વાયરલ થઈ રહ્યો છે, જે ફરી કરોડો ભારતીય ચાહકોની આંખોમાં આંસુ લાવવા માટે પૂરતો છે. આ વાયરલ વીડિયોમાં ઓસ્ટ્રેલિયાની ટીમ જીતની ઉજવણી કરતી જોવા મળી રહી છે, તો બીજી તરફ ફાસ્ટ બોલર મોહમ્મદ સિરાજ નિરાશ ઊભો જોવા મળી રહ્યો છે.
વાંચવા જેવુ: આ રીતે તો શુભમન ગિલ ટીમમાંથી ડ્રોપ થઇ જશે, SA સામેની હાર બાદ દિગ્ગજ ક્રિકેટરોના નિશાન પર!
એ જ સમયે વિરાટ કોહલી તેની પાસેથી પસાર થાય છે. તે થોડુ ચાલે છે અને સ્ટમ્પની નજીક પહોંચે છે અને તેની ટોપી વડે સ્ટમ્પની બેલ્સ નીચે પછાડે છે. આ દરમિયાન કોહલીના ચહેરા પર ઉદાસી સ્પષ્ટ દેખાઈ રહી છે. વીડિયોમાં જોઈ શકાય છે કે રોહિત શર્મા અને સૂર્યકુમાર યાદવ કોહલીની પાસે ઉભા છે. દરેકના ચહેરા પર નિરાશા સ્પષ્ટ દેખાઈ રહી છે. આ પહેલા વિરાટ કોહલીની એક તસવીર સોશિયલ મીડિયા પર વાયરલ થઈ હતી. જ્યારે વિરાટ કોહલી ફાઈનલ મેચ બાદ પોતાનો ચહેરો કેપથી ઢાંકતો જોવા મળ્યો હતો.
કોહલીની વાત કરીએ તો આ ટૂર્નામેન્ટ દરમિયાન તે ટોપ સ્કોરર હતો. તેણે 11 મેચમાં 95.62ની એવરેજથી કુલ 765 રન બનાવ્યા. વર્લ્ડ કપમાં કોહલીએ સચિન તેંડુલકરનો રેકોર્ડ તોડ્યો હતો અને વનડેમાં તેની 50મી સદી ફટકારી હતી. ફાઈનલ મેચમાં પણ કોહલીએ સારી બેટિંગ કરી હતી.
