ભારત દેશમાં ક્રિકેટની રમત લોકપ્રિય છે. અને ક્રિકેટરોના ચાહકોની સંખ્યા પણ કરોડોમાં છે. ચાહકો દ્વારા ક્રિકેટરને મળવાની ઘેલછા અને તેમની સાથે સેલ્ફી અને ઓટોગ્રાફ લેવો તે સામાન્ય બન્યુ છે. હવે ભારતીય ક્રિકેટરોને તેની આદત પડી ગઈ છે. પરંતુ IPL રમી રહેલા વિદેશી ક્રિકેટરો માટે ચાહકોનું આ પ્રકારનું વર્તન ચિંતાજનક સ્થિતિનું નિર્માણ કરે છે. જેવું હૈદરાબાદના મોલમાં હેનરિક ક્લાસેન સાથે થયું હતું. ક્લાસેન ભારતીય ક્રિકેટર જયદેવ ઉનડકટ સાથે મોલમાં ગયો હતો. પરંતુ ત્યાં સનરાઈઝર્સ હૈદરાબાદના ચાહકોએ જે કર્યું તેનાથી તે પરેશાન બની ગયો છે. એટલુ જ નહી સાઉથ આફ્રિકાના વિકેટ કીપર બેસ્ટમેન ગુસ્સે થઇ ગયો હતો.
હેનરિક ક્લાસેનને જોઈને SRH ચાહકોની ભીડ એટલી હદે કાબૂ બહાર થઈ ગઈ હતી. હેનરિક ક્લાસેન આ ભીડમાં બરાબરના ફસાયા હતા. અને તેના નામના નારા લાગવા લાગ્યા હતા. જો કે ભારતીય ક્રિકેટર માટે આ સહન કરી શકાય તેવી સ્થિતિ હોઈ શકે પરંતુ દક્ષિણ આફ્રિકાના વિકેટકીપર બેટ્સમેન માટે તે અસહ્ય હતું.
હેનરિક ક્લાસેન ભીડથી ઘેરાયો
હૈદરાબાદના એક મોલમાં હેનરિક ક્લાસેન સાથે બનેલી ઘટનાનો વીડિયો હવે સોશિયલ મીડિયા પર વાયરલ થયો છે. આ વીડિયોમાં તેના ચહેરા પરની સંકોચ, વ્યથા અને ગુસ્સો સ્પષ્ટપણે જોઈ શકાય છે. તે પણ જોઈ શકાય છે કે હેનરિક ક્લાસેન કેટલો અસ્વસ્થ છે અને ચાહકોને શાંત થવાની અપીલ કરે છે.
વધુ વાંચો : ચોથી વાર આવું બન્યું! MI vs KKR મેચમાં બન્યો ગજબ રેકોર્ડ, IPLની એક જ મેચમાં બંને ટીમો ઓલઆઉટ
સુરક્ષા પર સવાલો ઉઠાવતા વીડિયો
જો કે હેનરિક ક્લાસેન સાથે ચાહકોની સમાન ભીડમાં અટવાયેલા ભારતીય ખેલાડી જયદેવ ઉનડકટ પર તેની કોઈ અસર થઈ હોય તેવું લાગ્યું નથી. તેણે ખૂબ જ આસાનીથી ભીડને પાર કરી. પરંતુ હેનરિક ક્લાસેનને ભીડમાંથી બહાર નીકળવું મુશ્કેલ બની ગયુ હતું તેના ચાહકો મોટી સંખ્યામાં તેની સાથે આવી ગયા હતા. તેમાં કોઈ શંકા નથી કે ચાહકોનું ક્રિકેટરો સાથે અલગ જોડાણ છે. પરંતુ, આવી તસવીરો હેરાન કરે છે. ખેલાડીઓની સુરક્ષા પર સવાલો ઉભા કરે છે.
