ક્રાઈમ / દમણના દિપાલી બારમાં પાર્ટી કરવા ગયેલા યુવકો વચ્ચે બબાલ, તીક્ષ્ણ હથિયારથી કરેલા હુમલામાં એકનું મોત

સંઘ પ્રદેશ દમણના કચીગામના દિપાલી બારમાં પાર્ટી કરવા આવેલા યુવકોના બે ગ્રૂપ વચ્ચે બબાલ થતાં હત્યાનો બનાવ બન્યો છે. બારમાં પાર્ટી કરવા માટે યુવકો આવ્યા હતા. જ્યાં બે ગ્રૂપ વચ્ચે કોઈ બાબતને લઈ બોલાચાલી થતાં મામલો બીચક્યો હતો.

દિપાલી બારમાં યુવકની હત્યા

સામાન્ય બોલાચાલીમાં જોતજોતમાં મામલો એટલો ગંભીર બની ગયો હતો કે, એક યુવકની હત્યા થઈ ગઈ. એક યુવકે બાજુના ટેબલ પર બેઠેલા ત્રણ યુવકો પર ધારદાર તીક્ષણ હથિયારથી હુમલો કર્યો હતો. જેમાં ઋતુલ પટેલ નામના એક યુવકનું કરુણ મોત થયુ છે. જ્યારે મૃતકની સાથે બેસેલા અન્ય યુવક આકાશ તેમજ નેહ પટેલ બંને ગંભીર રીતે ઇજાગ્રસ્ત થયા.

વાંચવા જેવું: ગુજરાતમાં આજે રેકોર્ડ બ્રેક ગરમી, પાંચ શહેરમાં ગરમીનો પારો 44 ડિગ્રીને પાર

પોલીસે 4ની ધરપકડ કરી

જો કે, આ સમગ્ર મામલાને લઈ દમણ પોલીસે 4 આરોપીની ધરપકડ કરી છે. તમામ આરોપી વાપીના રહેવાસી હોવાનો ખુલાસો થયો છે. નજીવી બાબતે ઝઘડો થતાં ઉશ્કેરાયેલાં યુવાનોએ હત્યા કરી હોવાનું ખુલ્યું છે