વાસ્તુ શાસ્ત્ર / નાનકડી ભૂલ લાવશે મોટા કષ્ટ! ઘરમાં અવસાન પામેલા વડીલોનો ફોટો લગાવ્યો હોય તો વાસ્તુનો નિયમ ખાસ જાણી લેજો

• લોકો ઘરમાં પૂર્વજો અથવા પરિવારમાં મૃત લોકોના ફોટોઝ લગાવે છે
• ફોટોઝ લગાવવાથી તેમના આશીર્વાદ રહે છે
• વાસ્તુ અનુસાર લગાવો પૂર્વજોના ફોટોઝ

લોકો ઘરમાં પૂર્વજો અથવા પરિવારમાં મૃત લોકોના ફોટોઝ લગાવે છે. માનવામાં આવે છે કે, ઘરમાં વડીલના ફોટોઝ લગાવવાથી તેમના આશીર્વાદ રહે છે અને ઘરમાં સુખ સમૃદ્ધિ રહે છે. લોકો કોઈપણ જગ્યાએ ફોટોઝ લગાવે છે. આ પ્રકારે કરવું બિલ્કુલ પણ અયોગ્ય હોય છે. ઘરમાં વાસ્તુના નિયમોનું પાલન કરવાનું રહે છે, જેથી પૂર્વજોના ફોટોઝ પણ વાસ્તુ અનુસાર લગાવવા જોઈએ. આ પ્રકારે ના કરવાથી અનેક પરેશાનીઓનો સામનો કરવો પડી શકે છે. પૂર્વજોના ફોટોઝ લગાવવાની યોગ્ય દિશા અને જગ્યા વિશે અહીંયા જાણકારી આપવામાં આવી છે. 

પૂર્વજોના ફોટોઝ લગાવતા સમયે આ બાબતોનું રાખો ખાસ ધ્યાન 

• બેડરૂમમાં ક્યારેય પણ પૂર્વજોના ફોટોઝ ના લગાવવા જોઈએ. રસોડામાં પૂર્વજોના ફોટોઝ લગાવવા તે અશુભ માનવામાં આવે છે. આ પ્રકારે કરવાથી ઘરમાં કલેશ વધે છે અને સુખ શાંતિનો નાશ થાય છે. 
• વાસ્તુ શાસ્ત્ર અનુસાર ઘરના મધ્ય ભાગમાં પૂર્વજોના ફોટોઝ ના લગાવવા જોઈએ. આ પ્રકારે કરવાથી માન સમ્માનમાં ઘટાડો થવા લાગે છે. 
• પૂર્વજોના ફોટોઝ ફ્રેમમાં લગાવીને કોઈ જગ્યા પર રાખવા જોઈએ. દીવાલ પર ફોટોઝ લટકાવવા તે અશુભ માનવામાં આવે છે. આ પ્રકારે કરવાથી પિતૃદોષનો સામનો કરવો પડે છે. 
• જીવિત વ્યક્તિના ફોટોઝ અને મૃત વ્યક્તિના ફોટોઝ પાસે પાસે ના રાખવા જોઈએ. આ પ્રકારે કરવાથી વ્યક્તિની ઉંમર પર નકારાત્મક અસર થાય છે અને ઉંમર ઓછી થઈ જાય છે. 

આ જગ્યાએ પૂર્વજોના ફોટોઝ લગાવો

• પૂર્વજોના ફોટોઝ ઉત્તર દિશામાં લગાવવા જોઈએ. ઉત્તર દિશાએ ફોટોઝ લગાવવાથી તેમની નજર દક્ષિણ દિશા પર રહે છે, જે યમની દિશા માનવામાં આવે છે. 
• આ દિશામાં ફોટો લગાવવાથી અકાળ મૃત્યુ અને સંકટનો ભય રહેતો નથી. ઘરના ઉપરના રૂમમાં ઈશાન ખૂણામાં પૂર્વજોના ફોટોઝ લગાવવા તે શુભ માનવામાં આવે છે, જેથી દિશાદોષથી મુક્તિ મળે છે.