અટકચાળો / સુરત નજીક વંદે ભારત એક્સપ્રેસ પર પથ્થરમારો, આનંદીબેન પટેલ પણ ટ્રેનમાં હતા

મુંબઈથી અમદાવાદ જઈ રહેલી વંદે ભારત એક્સપ્રેસ પર સુરત નજીક પથ્થરમારો કરાયો હતો. ઘટના વખતે ઉત્તર પ્રદેશના રાજ્યપાલ આનંદીબેન પટેલ પણ મુસાફરી કરી રહ્યાં હતાં જોકે તેઓ એક્ઝિક્યુટિવ કોચમાં હોવાથી સંપૂર્ણપણે સુરક્ષિત રહ્યા હતા. અત્યાર સુધી જાનહાનિના કોઈ સમાચાર નથી.

ઉત્રાણ સ્ટેશન નજીક અસામાજિક તત્ત્વોએ પથ્થરો ફેંક્યા

સુરત રેલવે સ્ટેશનથી રવાના થયા બાદ ઉત્રાણ સ્ટેશન નજીક અસામાજિક તત્ત્વોએ ટ્રેન પર પથ્થરો ફેંક્યા હતા.

વધુ વાંચો : આવતીકાલથી ભારે વરસાદની આગાહી, ગાજવીજ સાથે પવન પણ ફૂંકાશે, IMDનું એલર્ટ

નશેડી યુવકની અટકાયત

આ ઘટના બાદ RPFના અધિકારીઓ તાત્કાલિક ઘટનાસ્થળે પહોંચી ગયા હતા અને તપાસ હાથ ધરી હતી. RPFની ટીમે ત્વરિત કાર્યવાહી કરીને ટ્રેક નજીકથી આશરે 30 વર્ષીય એક શંકાસ્પદ યુવકને ઝડપી પાડ્યો છે. પ્રાથમિક તપાસમાં ઝડપાયેલો યુવક નશાની હાલતમાં હોવાનું સામે આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ