મારામારી / સામાન્ય અકસ્માતમાં વડોદરા ભાજપ યુવા મોરચા પ્રમુખ પાર્થ પુરોહિત દાદાગીરી પર ઉતરી આવ્યા, Video વાયરલ

• ભાજપ યુવા મોરચાના પ્રમુખની દાદાગીરી 
• પાર્થ પુરોહિતની દાદાગીરીનો વીડિયો વાયરલ 
• સામાન્ય અકસ્માતમાં કરી મારામારી 
• સ્કૂટર ચાલકને ધમકાવી માર્યો માર 

Vadodara News: વડોદરા શહેર ભાજપ યુવા મોરચાના પ્રમુખ વધુ એક વિવાદમાં સપડાયા છે. યુવા મોરચાના પ્રમુખ પાર્થ પુરોહિતની દાદાગીરીનો વીડિયો વાયરલ થયો છે. જેમાં તેઓે સ્કૂટર ચાલકને માર મારતા જોવા મળી રહ્યા છે. તેઓ પોલીસની હાજરીમાં જ યુવક સાથે ઝપાઝપી કરતા જોવા મળી રહ્યા છે.

અકસ્માત થતા સ્કૂટર ચાલકને ધમકાવી માર્યો માર 
મળતી માહિતી અનુસાર, વડોદરાના અક્ષરચોક નજીક સામાન્ય અકસ્માત સર્જાયો હતો. જે બાદ ભાજપ યુવા મોરચાના પ્રમુખ પાર્થ પુરોહિત લાલઘુમ થઈ ગયા હતા. સામાન્ય અકસ્માત બાદ તેમણે રસ્તા પર જ 'તુ મને ઓળખે છે' તેમ કહીને સ્કૂટર ચાલકને ધમકાવીને માર માર્યો હતો. 

'તું મને ઓળખે છે હું કોણ છું?', સામાન્ય અકસ્માતમાં વડોદરાનો ભાજપ યુવા મોરચા પ્રમુખ પાર્થ પુરોહિત દાદાગીરી પર ઉતરી આવ્યો, જુઓ Video #gujaratnews #vadodaranews #BJP #vtvgujarati pic.twitter.com/YXNjFXrl6T

— VTV Gujarati News and Beyond (@VtvGujarati) October 20, 2023

મારા મારીનો વીડિયો વાયરલ 
આ દરમિયાન પોલીસકર્મીઓએ અને TRB જવાને પાર્થ પુરોહિતને રોકવાનો પ્રયાસ પણ કર્યો હતો. તેમને રોકવા જતા પોલીસકર્મીઓ સાથે પણ ગેરવર્તન કર્યું હતું. ભાજપ નેતાએ પોલીસ સાથે પણ ગેરવર્તન કરીને કહ્યું હતું કે, તમે વચ્ચે ના આવશો. જાહેર માર્ગ પર મારા મારીનો વીડિયો વાયરલ થયો છે.