તમારા કામનું / ચાર ધામ યાત્રાનું રજિસ્ટ્રેશન શરૂ થઇ ગયું છે, જાણો સ્ટેપ બાય સ્ટેપ પ્રોસેસ

ઉત્તરાખંડમાં આ વર્ષની ચારધામ યાત્રા માટે ઓનલાઈન રજિસ્ટ્રેશનની પ્રક્રિયા શરૂ થઈ ગઈ છે. રજિસ્ટ્રેશન વિના કોઈપણ યાત્રાળુ મુસાફરી કરી શકશે નહીં. ભક્તો 19 એપ્રિલથી શરૂ થતી ચારધામ યાત્રા માટે વેબસાઇટ, મોબાઇલ એપ્લિકેશન અથવા વોટ્સએપ દ્વારા ઘરેથી રજિસ્ટ્રેશન કરાવી શકે છે.

આ વખતે યાત્રીઓની સુવિધા માટે ઓનલાઈન અને ઓફલાઈન બંને પ્રકારના રજિસ્ટ્રેશન વિકલ્પો ઉપલબ્ધ છે. ઓફલાઈન રજિસ્ટ્રેશન માટે કુલ 50 કાઉન્ટર સ્થાપિત કરવામાં આવ્યા છે. જો કે, તમે તમારા ઘરે બેઠા સરળતાથી ઓનલાઈન રજિસ્ટ્રેશન કરાવી શકો છો.

ચારધામ યાત્રા માટે ઓનલાઈન રજિસ્ટ્રેશન કેવી રીતે કરવી?

• જો તમે વેબસાઇટ દ્વારા નોંધણી કરાવી રહ્યા છો, તો પહેલા તેની ઓફિશિયલ વેબસાઇટની
• registrationandtouristcare.uk.gov.in પર જાઓ.
• વેબસાઇટના હોમપેજ પર 'Register/Sign In' વિકલ્પ પર ક્લિક કરો અને તમારી માહિતી (નામ, મોબાઇલ નંબર, વગેરે) ભરીને એક ID બનાવો.
• લોગ ઇન કર્યા પછી 'Create/Manage Tour' વિકલ્પ પર જાઓ. અહીં, તમારી મુસાફરી યોજનાઓ (તારીખો અને તીર્થસ્થાનો) દાખલ કરો.
• 'Add Pilgrim' પર ક્લિક કરો અને બધા યાત્રીઓની ડિટેલ્સ ભરો. તમારે તમારો ઓળખ પુરાવો (આધાર કાર્ડ, મતદાર ID, વગેરે) અપલોડ કરવાની જરૂર પડશે.
• પ્રક્રિયા પૂર્ણ કર્યા પછી એક યૂનિક રજિસ્ટ્રેશન નંબર (URN) જનરેટ થશે. ત્યાર બાદ તમારું 'ટ્રાવેલ રજિસ્ટ્રેશન કાર્ડ' ડાઉનલોડ કરો.

મોબાઇલ એપ્લિકેશન અથવા WhatsApp દ્વારા કરી શકાશે રજિસ્ટ્રેશન

ચારધામ યાત્રા માટે મુસાફરો મોબાઇલ એપ્લિકેશન 'Tourist Care Uttarakhand' નામની ડાઉનલોડ કરીને ઓનલાઇન નોંધણી પણ કરાવી શકે છે. આ ઉપરાંત રજિસ્ટ્રેશન મોબાઇલ નંબર 8394833833 પર WhatsApp મેસેજ મોકલીને પણ કરી શકાય છે.

આ પણ વાંચોઃ અચાનક ધુમાડા નીકળતા ડેપ્યુ. CMના હેલિકોપ્ટરનું કરવું પડ્યું ઈમરજન્સી લેન્ડિંગ

હેલ્પલાઇન નંબર પણ ઉપલબ્ધ

યાત્રા સંબંધિત કોઈપણ માહિતી અથવા સમસ્યાઓ માટે, યાત્રાળુઓ ઓફિશિયલ હેલ્પલાઇન નંબર 0135-1364 પર સંપર્ક કરી શકે છે.

ફટાફટ રજિસ્ટ્રેશન કરાવી રહ્યા છે શ્રદ્ધાળુ

પહેલા જ દિવસે સાંજે 5 વાગ્યા સુધીમાં કુલ 1 લાખ 23 હજાર 788 શ્રદ્ધાળુઓએ ચારધામ યાત્રા માટે રજિસ્ટ્રેશન કરાવી હતી અને આ આંકડો સતત વધી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ