કામની વાત / આધાર કાર્ડ ફ્રીમાં અપડેટ કરાવાની ડેડલાઈન નજીક, ઘરબેઠા આ રીતે કરો એડ્રેસ સહીત દરેક જાણકારી અપડેટ

યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI)એ ગયા વર્ષે આધાર કાર્ડ ધારકોને તેમની માહિતી મફતમાં અપડેટ કરવાની સમયમર્યાદા બહાર પાડી હતી. મફત આધાર અપડેટ માટેની છેલ્લી તારીખ 14 જૂન 2025 છે. આધાર એનરોલમેન્ટ એન્ડ અપડેટ રેગ્યુલેશન 2016 મુજબ આધાર કાર્ડ ધારકો માટે આધાર બનાવ્યા બાદ દર 10 વર્ષે તેમની ઓળખ અને સરનામાનો પુરાવો અપડેટ કરવો ફરજિયાત છે. 14 જૂન 2025ની અંતિમ તારીખ બાદ મફતમાં આધાર અપડેટ નહીં કરી શકાય. અને કાર્ડધારકોએ આધાર કેન્દ્રમાં જઈને તેમની માહિતી અપડેટ કરવી પડશે.

જો તમે છેલ્લા 10 વર્ષમાં તમારા આધાર કાર્ડની વિગતો અપડેટ નથી કરાવી, તો કોઈ વાંધો નથી. તમે એક રીતથી 50 રૂપિયાની સ્ટાન્ડર્ડ ફી બચાવી શકો છો. તમારે ફક્ત myAadhaar પોર્ટલ દ્વારા ફ્રી અપડેટ કરવાનું રહેશે. તેની પ્રોસેસ એકદમ સરળ છે અને તમે ફિઝિકલ કેન્દ્રની મુલાકાત લીધા વગર પણ તમારી માહિતી અપડેટ કરી શકો છો.

• 14 જૂન 2025 પહેલા તમે તમારા આધાર કાર્ડની વિગતો આ રીતે કરો અપડેટ
  

1. પહેલા બ્રાઉઝર ખોલો અને પછી https://myaadhaar.uidai.gov.in પર જાઓ.
   
2. પછી વાદળી લોગિન બટન પર ક્લિક કરો અને તમારો આધાર કાર્ડ નંબર દાખલ કરો.
   
3. ત્યાર બાદ વન-ટાઇમ પાસવર્ડ (OTP) મેળવવા માટે કેપ્ચા દાખલ કરો.
   
4. જ્યારે તમે પોર્ટલ પર લોગિન કરો છો ત્યારે તમે જોઈ શકો છો કે હાલનું સરનામું અને ઓળખ પુરાવો અપડેટ થયેલ છે કે નહીં. જો તે અપ ટુ ડેટ ન હોય તો 'ડોક્યુમેન્ટ અપડેટ' ઓપ્શન પર ક્લિક કરો જે તમને પેજની ઉપર જમણી બાજુએ દેખાશે.
   
5. ત્યાર બાદ ડ્રોપ-ડાઉન મેનૂ પર જાઓ અને તમે જે ડોક્યુમેન્ટ અપડેટ કરવા માંગો છો તે પસંદ કરો. પછી સંબંધિત દસ્તાવેજો અપલોડ કરો.
   
6. ડોક્યુમેન્ટ અપલોડ કર્યા બાદ તેનું રિવ્યૂ કરો અને સબમિટ કરો. પછી તમને સર્વિસ રિક્વેસ્ટ નંબર (SRN) મળશે જેના દ્વારા તમે તમારી રિક્વેસ્ટનું સ્ટેટસ ટ્રેક કરી શકો છો.
   

વધુ વાંચો : જે-તે વ્યક્તિના નિધન બાદ કોણ ચૂકવશે બાકી રહેલી લોન? ખરેખર જાણવું જરૂરી

ઉલ્લેખનીય છે કે વેબસાઇટ ફક્ત JPEG, PNG અને PDF ફાઇલોને જ સપોર્ટ કરે છે. આ સિવાય ફાઇલોની સાઈઝ 2MB કરતા ઓછી હોવી જોઈએ. જો તમે તમારી અન્ય વિગતો જેમ કે ફોટો અને બાયોમેટ્રિક્સ અપડેટ કરવા માંગતા હોવ તો તમારે આધાર રજિસ્ટ્રેશન કેન્દ્ર પર જવું પડશે. કેમ કે, બાયોમેટ્રિક વિગતો ઓનલાઈન અપડેટ થતી નથી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ