તમારા કામનું / કેન્દ્ર સરકારે પેન્શન યોજનાના નિયમમાં કર્યો મોટો ફેરફાર, તમારે જાણવો જરૂરી

પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) દ્વારા અટલ પેન્શન યોજના (APY) માટે મોટુ અપડેટ આપવામાં આવ્યું છે. 1 ઓક્ટોબરથી APYમાં નવા રજિસ્ટ્રેશન માટે ફક્ત સુધારેલું ફોર્મ જ સ્વીકારાશે, જ્યારે NPS, UPS અને APY જેવી યોજનાઓમાં કેન્દ્રીય રેકોર્ડકીપિંગ એજન્સીઓ (CRA) દ્વારા વસૂલાતા ચાર્જમાં પણ ફેરફાર કરવામાં આવ્યા છે. આ ફેરફારોનો ઉદ્દેશ કસ્ટમર્સની ઓનબોર્ડિંગ પ્રક્રિયાને વધુ સરળ બનાવવાનો, ડેટા કલેક્શનમાં સચોટતા વધારવાની અને આંતરરાષ્ટ્રીય ટેક્સ અનુપાલનને મજબૂત કરવાનો છે. પોસ્ટ વિભાગના 26 સપ્ટેમ્બરના આદેશ મુજબ, 30 સપ્ટેમ્બર સુધી જૂનું ફોર્મ માન્ય હતું, પરંતુ હવે તેને બંધ કરી દેવામાં આવ્યું છે.

નવા ફોર્મમાં શું છે ખાસ?

સુધારેલા APY રજિસ્ટ્રેશન ફોર્મમાં સૌથી મોટો ફેરફાર એક ફરજિયાત FATCA/CRS ડિક્લેરેશન છે. આ ડિક્લેરેશન વિદેશી નાગરિકતા અથવા ટેક્સપેયર્સને ઓળખવામાં મદદ કરે છે, જેમાં અમેરિકન નાગરિકો અથવા ભારત સિવાયના દેશના જન્મ/નાગરિકતા/રહેઠાણવાળા વ્યક્તિઓનો સમાવેશ થાય છે. આ ફોર્મ APY નોમિનેશન પ્રક્રિયાને આંતરરાષ્ટ્રીય ટેક્સ નિયમો અનુસાર બનાવે છે અને ખાતરી કરે છે કે માત્ર રહેવાસી ભારતીય નાગરિકો જ પોસ્ટ ઓફિસ દ્વારા APY ખાતું ખોલી શકે. ઓફલાઇન અને ઓનલાઇન બંને યુઝર્સ માટે નવું ફોર્મ જ વાપરવા માટે અનિવાર્ય છે. આ ફેરફારથી ડેટા વેરિફિકેશન વધુ મજબૂત બને અને વિદેશી ટેક્સ ચોરીને અટકાવી શકાય.

PFRDAએ NPS, APY, NPS લાઇટ અને UPS માટે CRA સેવાઓના ચાર્જમાં સુધારો કર્યો છે, જે 1 ઓક્ટોબરથી લાગુ છે. સરકારી ક્ષેત્ર માટે e-PRAN કીટ માટે PRAN ખોલવાનો ચાર્જ 18 રૂપિયા અને ફિઝિકલ કાર્ડ માટે 40 રૂપિયા છે, જ્યારે વાર્ષિક મેન્ટેનન્સ ચાર્જ (AMC) 100 રૂપિયા છે. APY અને NPS લાઇટ અકાઉન્ટ પર PRAN ખોલવા અને મેન્ટેન માટે 15-15 રૂપિયા લાગશે. ખાનગી ક્ષેત્રમાં AMC સ્લેબ આધારિત છે: 2 લાખ રૂપિયા સુધીના બેલેન્સ માટે 100 રૂપિયા, 2-10 લાખ માટે 150 , 10-25 લાખ માટે 300, 25-50 લાખ માટે 400 અને 50 લાખથી વધુ માટે 500 રૂપિયા. તમામ ટ્રાન્ઝેક્શન ચાર્જ 'ઝીરો' છે. નોલ-બેલેન્સ અકાઉન્ટ પર કોઈ AMC નહીં લાગે. UPS માટે આ ચાર્જ માત્ર એક્યુમ્યુલેશન ફેઝમાં લાગુ છે; પેમેન્ટ ફેઝ માટે અલગ માર્ગદર્શિકા આવશે.

વધુમાં વાંચો: રસાયણશાસ્ત્રના નોબેલ પુરસ્કારની જાહેરાત, સુસુમુ કિતાગાવા, રિચર્ડ રોબસન અને ઓમર યાગી એવોર્ડથી સન્માનિત

અટલ પેન્શન યોજના શું છે?

2015માં શરૂ થયેલી અટલ પેન્શન યોજના સરકારી સમર્થિત સામાજિક સુરક્ષા યોજના છે, જે 60 વર્ષની ઉંમર પછી1,000 થી 5,000 રૂપિયા માસિક પેન્શનની ગેરંટી આપે છે. પેન્શન રકમ એન્ટ્રી ઉંમર અને માસિક યોગદાન પર આધારિત છે. આ યોજના અસંગઠિત ક્ષેત્રના કામદારો માટે છે, જેમની પાસે ઔપચારિક પેન્શન કવરેજ નથી. 18 થી 40 વર્ષના કોઈપણ ભારતીય નાગરિક (1 ઓક્ટોબર 2022 પછી ટેક્સપેયર ન હોય) બચત બેંક અથવા પોસ્ટ ઓફિસ ખાતું ધરાવતા હોય તો જોડાઈ શકે. આધાર અને મોબાઇલ લિંક કરવું જરૂરી છે. હાલ 8 કરોડથી વધુ સબ્સ્ક્રાઇબર્સ છે. આ ફેરફારોથી યોજના વધુ સુરક્ષિત અને કાર્યક્ષમ બનશે, જે નાના રોકાણકારોને લાભ આપશે. વધુ માહિતી માટે PFRDA વેબસાઇટ અથવા પોસ્ટ ઓફિસનો સંપર્ક કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ