Fact Check / શું ખરેખર બંધ થઈ જશે ₹500ની નોટ? જાણો વાયરલ દાવાનું અસલી સત્ય

સોશિયલ મીડિયા પર એવો મેસેજ વાયરલ થઈ રહ્યો છે કે 500 રૂપિયાની નોટ બંધ થવાની છે. મેસેજમાં કહેવાઈ રહ્યું છે કે સરકાર માર્ચ 2026થી 500 રૂપિયાની નોટ બંધ કરી દેશે. જો કે હવે આના પર સરકારનો જવાબ આવ્યો છે. સરકારી સંસ્થા PIBએ તેના ઓફિશિયલ એક્સ એકાઉન્ટ પર એક પોસ્ટ કરીને આ મેસેજને નકારી દીધો છે.

PIBએ પોતાનો ફેક્ટ ચેક રિપોર્ટ જાહેર કરીને જણાવ્યું કે ભારતીય રિઝર્વ બેંક (RBI)એ માર્ચ 2026 સુધીમાં 500 રૂપિયાની નોટોનું ચલણ બંધ કરવા જોવી કોઈ જાહેરાત કરી નથી. આ દાવો સંપૂર્ણપણે ખોટો છે. 500 રૂપિયાની નોટ હજુ પણ માન્ય છે અને કોઈ પણ લેવડદેવડ માટે વાપરી શકાય છે. લોકો આવી આફવા પર ધ્યાન ન આપે.

પ્રેસ ઇન્ફોર્મેશન બ્યૂરો (PIB)એ જણાવ્યું કે કેટલીક સોશિયલ મીડિયા પોસ્ટમાં એવો દાવો કરવામાં આવી રહ્યો છે કે ભારતીય રિઝર્વ બેંક (RBI) માર્ચ 2026 સુધીમાં 500 રૂપિયાની નોટોનું ચલણ બંધ કરી દેશે. આ દાવો ખોટો છે! RBIએ આવી કોઈ જાહેરાત કરી નથી. PIBએ લોકોને અપીલ કરતાં જણાવ્યું કે આવા અહેવાલો પર વિશ્વાસ કરતાં પહેલા તેની હકીકત ચેક કરી લે અને ક્યારેય ફેક ન્યૂઝ ફોરવર્ડ ન કરે. 500 રૂપિયાની નોટ હજુ પણ ચલણમાં છે અને માન્ય છે.

ઘણીવાર ફેલાઈ ચૂકી છે આવી અફવાઓ

જણાવી દઈએ કે આ પહેલીવાર નથી કે જ્યારે 500 રૂપિયાની નોટને લઈને આવી કોઈ અફવા વાયરલ થઈ રહી છે. આ અગાઉ પણ ઘણીવાર આવી ખોટી પોસ્ટ કે અહેવાલો આવ્યા છે કે 500 રૂપિયાની નોટ બંધ થવાની છે. જો કે પીઆઈબી અને સરકાર તરફથી દર વખતે આના પર સ્પષ્ટીકરણ આપવામાં આવ્યું છે.

આ પણ વાંચો: PAN Cardમાં ખોટું નામ-એડ્રેસ છપાઇ ગયું છે? તો આ રીતે સુધારો ઘરે બેઠાં, જાણો સ્ટેપ્સ

પંકજ ચૌધરીએ સંસદમાં આપી હતી માહિતી

નાણા રાજ્ય મંત્રી પંકજ ચૌધરીએ પણ સંસદમાં માહિતી આપતા કહ્યું હતું કે 500 રૂપિયાની નોટ બંધ કરવાનો કોઈ પ્લાન નથી. તેમણે 100 અને 200 રૂપિયાની નોટ પર પણ અપડેટ આપતા કહ્યું હતું કે 500 રૂપિયાની નોટની સાથે જ 100 રૂપિયા અને 200 રૂપિયાની નોટ પણ ATMથી કાઢી શકાય છે. તેમણે 500 રૂપિયાની નોટને પાછી ખેંચવાની વાતને પણ નકારી દીધી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ