જાણવા જેવું / શું તમે પણ પાયલોટ બનવા માંગો છો? કેવી રીતે મળશે તક? જાણો પગારથી લઈને તમામ ડિટેઈલ

પાયલોટ બનવું એ એક ઇન્ટરેસ્ટિંગ અને હાઇ સેલરી વાળું જોબ પ્રોફાઇલ છે. 12 માં ધોરણની પરીક્ષા પાસ કર્યા પછી ફ્લાઈંગ ટ્રેનીગ લઈને તમે કમર્શિયલ પાયલોટનું લાયસન્સ મેળવી શકો છો. ભારતમાં ઘણી જગ્યાએ ફ્લાઇંગ સ્કૂલથી ટ્રેનિંગ લઈને તમે લાખોની સેલરી અને શાનદાર સુવિધાઓ મેળવી શકો છો.

પાયલોટ બનવા માટે યોગ્યતા

ભારતમાં પાયલોટ બનવા માટે સૌ પ્રથમ તમારે સાયન્સ સ્ટ્રીમ (વિજ્ઞાન પ્રવાહ) (ભૌતિકશાસ્ત્ર, રસાયણશાસ્ત્ર અને ગણિત) સાથે 12 મું ધોરણ પાસ કરવું પડશે. આ પછી તમારે DGCA ( Directorate General of Civil Aviation) દ્વારા માન્યતા પ્રાપ્ત ફ્લાઈંગ સ્કૂલમાંથી તાલીમ લેવી પડશે.

• ઉંમર: ઓછામાં ઓછી 17 વર્ષ
• 12 મુ ધોરણ PCM (ભૌતિકશાસ્ત્ર, રસાયણશાસ્ત્ર, ગણિત) સાથે
• મેડિકલ ફિટનેસ (DGCA ક્લાસ 1 મેડિકલ સર્ટિફિકેટ)
• અંગ્રેજી ભાષાનું સારું જ્ઞાન

વિદ્યાર્થી પાયલોટ લાઇસન્સ (SPL)

સૌપ્રથમ બેઝિક પરીક્ષા પાસ કરીને Student Pilot License મેળવવું પડશે. આ માટે ઇન્ટરવ્યુ અને મેડિકલ ટેસ્ટ હોય છે.

ખાનગી પાયલોટ લાઇસન્સ (PPL)

આ પછી 40-50 કલાકની ઉડાન ટ્રેનિંગ પૂરી કર્યા પછી Private Pilot License મળે છે. જેમાં બેઝિક ફળીયાઇન્ગ સ્કિલ શીખવવામાં આવે છે.

કોમર્શિયલ પાયલોટ લાઇસન્સ (CPL)

આ સૌથી મહત્વપૂર્ણ પગલું છે. આ માટે વ્યક્તિએ ઓછામાં ઓછા 200 કલાક ઉડાન ભરવી પડે છે અને DGCA દ્વારા નિર્ધારિત થિયરી પરીક્ષાઓ પાસ કરીને Commercial Pilot License મેળવી શકાય છે.

ભારતની મુખ્ય ફ્લાઈંગ સ્કૂલ

• ઇન્દિરા ગાંધી ઇન્સ્ટિટ્યૂટ ઓફ એરોનોટિક્સ, ચંડીગઢ
• ઇન્દિરા ગાંધી ઇન્સ્ટિટ્યૂટ ઓફ એવિએશન ટેકનોલોજી, દિલ્હી
• ઇન્દિરા ગાંધી ઇનસ્ટીરયુટ ઓફ એવિએશન સાયન્સ, રાયબરેલી
• કેપ્ટન સાહિલ ખુરાના એવિએશન એકેડમી, પટિયાલા
• મધ્યપ્રદેશ ફ્લાઈંગ ક્લબ, ઈન્દોર
• CAE ગ્લોબલ એકેડમી, ગોંદિયા (એર ઈન્ડિયા )

પાયલોટ બનવા માટે લાગતો સામે અને ખર્ચ

પાયલોટ બનવા માટે સામાન્ય રીતે 25 થી 40 લાખ રૂપિયાનો ખર્ચ થાય છે. આ ઉપરાંત જો હવામાન અને ટ્રેનીનફ શિડ્યુલ બરાબર રહે તો આ કોર્સ લગભગ 18 મહિનાથી 2 વર્ષમાં પૂરો કરી શકાય છે.

પાયલોટને મળતી સુવિધા અને સેલરી

કોમર્શિયલ પાયલોટનો પગાર શરૂઆતના સ્તરે દર મહિને 1.5 લાખ રૂપિયાથી 4 લાખ રૂપિયા સુધીનો હોઈ શકે છે. જોકે અનુભવ વધતાં તે 8 લાખથી 10 લાખ રૂપિયા સુધી જઈ શકે છે. ખાસ કરીને આંતરરાષ્ટ્રીય પાઇલટ્સ માટે.

પાયલોટને આપવામાં આવતી સુવિધાઓ

• મફત અથવા સબસિડીવાળી હવાઈ મુસાફરી
• લકઝરી હોટેલમાં સ્ટે
• મેડિકલ ઈન્શ્યોરન્સ
• રિટાયરમેન્ટ બેનિફિટ
• હાઇ સ્ટેટસ અને ગ્લોબલ એક્સપોઝર

વધુ વાંચો:

પાયલોટ બનવું એ એક સપનું અને રિસ્પેક્ટએડ કરિયર છે. જેમાં સખત મહેનત તેમજ મોટા રોકાણની જરૂર પડે છે.પણ એકવાર તમે સફળ પાયલોટ બની જાઓ છો તો તમને સારો પગાર અને જીવનમાં ઉંચી ઉડાન મળે છે. જો તમારું પણ આકાશને સ્પર્શવાનું સ્વપ્ન છે તો આજથી જ તેની તૈયારી શરૂ કરી દો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ