IPLIN
 

BIG NEWS / ગન કલ્ચરને કારણે ફરી અમેરિકાને લોહિયાળ ડાઘ, શિકાગોમાં અંધાધૂંધ ફાયરિંગમાં 6ના મોત

Team VTV 12:57 AM, 05 Jul 22 | Updated: 03:24 PM, 07 Jul 22
Follow us
US: 6 killed, 24 injured in Illinois July 4th parade in Highland Park

ફરાર થયેલા હમલાવરની શોધખોળ કરતી US પોલીસે જણાવ્યું કે હમલાવરની ઉંમર 18 થી 20 વર્ષ વચ્ચે છે

  • અમેરિકામાં બંદૂકધારીઓનો તાંડવ
  • શિકાગોમાં ફ્રીડમ પરેડ દરમિયાન અંધાધૂંધ ફાયરિંગ
  • 6ના કમકમાટી ભર્યા મોત, 24 લોકો ઘાયલ

અમેરિકામાં ફરી એક વખત ગન કલ્ચર વકરતા મોટી જાનહાનિની ઘટના સામે આવી છે. યુએસએના સ્વતંત્રતા દિવસ નિમિત્તે શિકાગોમાં ફ્રીડમ પરેડ દરમિયાન ફાયરિંગની ઘટના સર્જાઈ છે. જેમાં પ્રાથમિક માહિતી પ્રમાણે 6 નાગરિકોના મોત થયા છે અને અનેક ઘાયલ થયા હોવાનું પણ જાણવા મળી રહ્યું છે.

અમેરિકાના શિકાગોમાં આ ઘટના હાઈલેન્ડ પાર્કમાં થઈ છે. ઘટનામાં 6 લોકોના મોત ઉપરાંત 24 લોકો ઈજાગ્રસ્ત થયા છે. લેક કાઉન્ટી શેરિફની ઓફિસ તરફથી આ માહિતી આપવામાં આવી છે. ઓફિસે લોકોને આ વિસ્તારથી દૂર જવા કહ્યું છે.

આરોપી શકમંદ 20 વર્ષનો હોઈ શકે: US પોલીસ
ફરાર થયેલા હમલાવરની શોધખોળ કરતી પોલીસે જણાવ્યું કે હમલાવરની ઉંમર 18 થી 20 વર્ષ વચ્ચે છે. આરોપીનો રંગ ગોરો છે લાંબા કાળા વાળ છે. તેણે સફેદ કે વાદળી ટી-શર્ટ પહેરી છે. સાથે યુએસના નાગરિકોને એ પણ જણાવ્યું છે કે હુમલાખોર કાળા રંગની SUVમાં હોઈ શકે છે. જોકે પોલીસે હુમલાખોરને પકડવા માટે સમગ્ર વિસ્તારને કોર્ડન કરી લીધો છે.  હુમલા પછી લોકોને ઘરમાં જ રહેવાની અપીલ કરવામાં આવી છે. પોલીસે ચોખવટ કરતાં જણાવ્યું કે હુમલાખોરના મોતની અફવા સોશિયલ મીડિયા પર વાયરલ થઈ રહી છે પણ તે હજુ સુધી પકડાયો નથી.

અમેરિકી પ્રતિનિધિએ મોત પર જતાવ્યું દૂખ
રોયટર્સના રિપોર્ટ પ્રમાણે અમેરિકી પ્રતિનિધિ બ્રેડ સનાઇડરે જણાવ્યું છે કે હાઈલેન્ડ પાર્કમાં ફાયરિંગ થઈ ત્યારે તેમના જિલ્લાની અભિયાન ટીમ પરેડમાં સૌથી આગળ હતી. બ્રેડ ટ્વિટરમાં કહ્યું કે કેટલાય લોકોનો જીવ ગયો છે અને ઘણા લોકો ઘાયલ પણ થયા છે. હુમલાનો શિકાર બનેલા નિર્દોષ લોકો અને તેમના પરિવાર સાથે મારી સંવેદના છે

US Highland Park Firing Gun Violencein US July 4 Parade અમેરિકા ગન કલ્ચર શિકાગો હાઈલેન્ડ પાર્ક ફાયરિંગ 4 જુલાઇ પરેડ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ