BIG BREAKING / UPSC નું રિઝલ્ટ થયું જાહેર: ફરી વાર દીકરીઓ આવી અવ્વલ, ટોપ 5 રેન્કમાં 4 યુવતીઓ

• UPSCનું સિવિલ સર્વિસીસ 2022 પરીક્ષાનું પરિણામ જાહેર
• ઈશિતા કિશોરે પરીક્ષામાં AIR 1 રેન્ક મેળવ્યો, ગરિમા લોહિયા બીજા નંબરે 
• ટોપ-5માં 4 મહિલાઓ, ઉમા હાર્થી એન અને સ્મૃતિ મિશ્રાએ પણ ડંકો વગાડ્યો 

યુનિયન પબ્લિક સર્વિસ કમિશનએ સિવિલ સર્વિસીસ 2022 પરીક્ષાનું પરિણામ જાહેર કર્યું છે. મહત્વનું છે કે, પરીક્ષામાં હાજર રહેલા ઉમેદવારો સત્તાવાર વેબસાઇટ upsc.gov.in પર તેમનું પરિણામ જોઈ શકે છે. વિગતો મુજબ ઈશિતા કિશોરે પરીક્ષામાં AIR 1 રેન્ક મેળવ્યો છે. તેણી પછી ગરિમા લોહિયા, ઉમા હાર્થી એન અને સ્મૃતિ મિશ્રા હતા.

UPSCનું રિઝલ્ટ જાહેર થતા દેશની દીકરીઓએ ડંકો વગાડ્યો છે. વાત જાણે એમ છે કે, પરિણામ જાહેર થતાં ટોપ-5 માં 4 મહિલાનો સમાવેશ થાય છે. UPSC પરીક્ષાને દેશની સૌથી અઘરી પરીક્ષાઓમાંથી એક માનવામાં આવે છે. દર વર્ષે લાખો ઉમેદવારો આ પરીક્ષા માટે તૈયારી કરે છે. જેમાંથી ઘણા ઓછાને આમાં સફળતાં મળે છે. ત્યારે આજે પરિણામ જાહેર થતાં દેશની દીકરીઓએ ડંકો વગાડ્યો છે. 

UPSC declares 2022 Civil Services Exam results.

Ishita Kishore, Garima Lohia and Uma Harathi N secure the top three ranks, respectively pic.twitter.com/ulJZnG7JBi

— ANI (@ANI) May 23, 2023

સૂત્રોએ જણાવ્યું હતું કે, સિવિલ સર્વિસીસ પરીક્ષાના અંતિમ પરિણામમાં કુલ 933 ઉમેદવારોની નિમણૂક માટે પસંદગી કરવામાં આવી છે. આમાંથી 345 ઉમેદવારો બિનઅનામત, 99 EWS, 263 OBC, 154 SC અને 72 ઉમેદવારો ST કેટેગરીના છે. IAS પદ માટે પસંદગી માટે 180 ઉમેદવારોને શોર્ટલિસ્ટ કરવામાં આવ્યા છે. જ્યારે 178 ઉમેદવારોની અનામત યાદી પણ તૈયાર કરવામાં આવી છે.

UPSC CSE પરિણામ આ રીતે તપાસો

• સૌથી પહેલા સત્તાવાર વેબસાઇટ upsc.gov.in પર જાઓ.
• હોમપેજ પર, UPSC CSE મુખ્ય પરિણામ 2022 (ફાઇનલ) વાંચતી લિંક પર ક્લિક કરો.
• હવે સ્ક્રીન પર એક PDF ફાઈલ ખુલશે.
• પીડીએફ ફાઇલમાં યુપીએસસી સિવિલ સર્વિસીસનું મુખ્ય અંતિમ પરિણામ 2022 હશે.
• મેરિટ લિસ્ટ તપાસો અને ડાઉનલોડ કરો

UPSC CSE 2022 ટોપર્સની યાદી

• ઈશિતા કિશોર
• ગરિમા લોહિયા
• ઉમા હરતિ એન
• સ્મૃતિ મિશ્રા
• મયુર હજારિકા
• રત્ન નવ્યા રત્ન
• વસીમ અહેમદ ભટ
• અનિરુદ્ધ યાદવ
• કનિકા ગોયલ
• રાહુલ શ્રીવાસ્તવ