રાજનીતિ / ભાજપમાં જોડાવા અંગે ઉનાના કોંગી ધારાસભ્ય પુંજા વંશે આપ્યું મોટું નિવેદન, જુઓ શું કહ્યું

આજે રાજકોટ ખાતે ઉનાના કોંગ્રેસના ધારાસભ્ય પુંજા વંશ દ્વારા પત્રકાર પરિષદ યોજવામાં આવી હતી. જેમાં તેમણે ભારતીય જનતા પાર્ટી અને આમ આદમી પાર્ટી પર આકરા પ્રહાર કર્યા હતા. આ દરમિયાન તેમણે ભાજપમાં જોડાવવા અંગે પણ મોટું નિવેદન આપ્યું હતું. 

ફાયરિંગના બનાવમાં મને ફીટ કરવાનો કારશો રચાયોઃ ધારાસભ્ય 
કોંગ્રેસના ધારાસભ્યએ પત્રકાર પરિષદ દરમિયાન જણાવ્યું હતું કે, તમે બધા જાણો છો વર્ષ દોઢ વર્ષ પહેલા ઉનામાં ફાયરિંગનો બનાવ બન્યો હતો. આ બનાવમાં મારી ક્યાંય સામેલગીરી ન હોવા છતાં મને તેમાં જોઈન્ટ કરવા માટે સત્તાધારી પક્ષ દ્વારા અનેક પ્રયાસો કરવામાં આવ્યા હતા. મારી એમાં ક્યાંય સામેલગીરી નહોવા છતાં ત્રણ વખત મારી 10-10 કલાસ સુધી પોલીસ દ્વારા પૂછપરછ કરવામાં આવી હતી. 

હું જેલમાં જવા તૈયાર ભાજપમાં જવાનો નથીઃ પુંજા વંશ
તેમણે જણાવ્યું હતું કે, એ સમયે પણ મેં સ્પષ્ટપણે જણાવ્યું કહ્યું હતું કે મને જેલમાં પૂરવા માટેની ભાજપની તૈયારી કે માનસિકતા હોય તો મને જેલમાં પૂરે હું જેલમાં જવા તૈયાર છું પણ હું ભાજપમાં જવા તૈયાર નથી. 

જુઓ વીડિયો