- નડિયાદના પીજ રોડ ઉપર ગણેશ ચતુર્થીએ સર્જાઈ કરૂણાંતિકા
- ગણેશપંડાલમાં તાડપત્રી લગાવતી વખતે 3 યુવકને લાગ્યો કરંટ
- વીજકરંટથી બે યુવકના મૃત્યુ, 11 KVનો વાયર માથાના ભાગે અડી જતા દુર્ઘટના બની
- ગીતાંજલી ચોકડી પાસે સાર્વજનિક ગણેશ મહોત્સવનું કરાયું હતું આયોજન
આજે ગણેશ ચતુર્થીના દિવસે એક દુ:ખદ સમાચાર સામે આવ્યા છે. વિગતો મુજબ નડિયાદમાં ગણેશપંડાલ પંડાલમાં બે યુવકોના મોત થતાં પંથકમાં તહેવારના દિવસે શોકનો માહોલ વ્યાપી ગયો છે. પ્રાથમિક વિગતો મુજબ ગણેશપંડાલમાં તાડપત્રી લગાવતી વખતે 3 યુવકને કરંટ લાગ્યો હતો. જેમાં 2 આશાસ્પદ યુવકોના ઘટનાસ્થળે જ કરુણ મોત થતાં ચકચાર મચી ગઈ છે. આ તરફ અન્ય એક યુવકને તાત્કાલિક સારવાર અર્થે નજીકની હોસ્પિટલમાં ખસેડાયો હતો.
નડિયાદના પીજ રોડ ઉપર ગણેશ ચતુર્થીના દિવસે જ કરૂણાંતિકા સર્જાઇ છે. વિગતો મુજબ ગીતાંજલી ચોકડી પાસે સાર્વજનિક ગણેશ મહોત્સવનું આયોજન કરાયું હતું. જેને સ્થાનિક 3 આશાસ્પદ યુવકો દ્વારા ગણેશપંડાલમાં તાડપત્રી લગાવવાણી કવાયત હાથ ધરાઇ હતી. જોકે વિધાતાને કઈક બીજું જ મંજૂર હોય તેમ ત્રણેયને તાડપત્રી લગાવતી વખતે કરંટ લાગ્યો હતો. માહિતી મુજબ 11 KVનો વાયર માથાના ભાગે અડી જતા આ દુર્ઘટના બની હતી.
પળભરમાં ગણેશપંડાલમાં માતમ છવાયો
નડિયાદના પીજ રોડ ઉપર ગીતાંજલી ચોકડી પાસે સાર્વજનિક ગણેશ મહોત્સવમાં બનેલી કરૂણાંતિકાથી પંથકમાં શોકનું મીજઉ ફરી વળ્યું છે. વિગતો મુજબ ગણેશપંડાલ પંડાલમાં વરસાદી વાતાવરણને કારણે તાડપત્રી લગાવવા જતાં ત્રણ યુવકોને કરંટ લાગતાં 2 યુવકોના ઘટનાસ્થળે જ કરુણ મોત થયા હતા. આજે ગણેશ ચતુર્થીના દિવસે જ કરૂણાંતિકા સર્જાતાં પળભરમાં ગણેશપંડાલમાં માતમ છવાયો હતો.
