દુઃખદ / ગીર સોમનાથના દરિયામાં 2 કિશોર ડૂબ્યા! એકનો મૃતદેહ મળ્યો, બીજા કિશોરની શોધખોળ માટે રેસ્ક્યૂ ઓપરેશન ચાલુ

ગીરી સોમનાથ જિલ્લાના કોડીનાર તાલુકાના છારા ગામ નજીક દરિયામાં બે કિશોર ડૂબી જવાની દુઃખદ ઘટના સામે આવી છે. ઘટનાને પગલે સમગ્ર વિસ્તારમાં ચિંતા અને શોકનો માહોલ છવાઈ ગયો છે.

ગ્રામજનો તેમજ બચાવ ટીમો ઘટના સ્થળે પહોંચી

પ્રાપ્ત માહિતી મુજબ, છારા ગામ નજીક શાપુરજી કંપનીની જેટી પાસે આવેલા દરિયામાં બે કિશોરો ડૂબી ગયા હતા. ઘટનાની જાણ થતાં સ્થાનિક લોકો અને બચાવ ટીમો તાત્કાલિક સ્થળ પર પહોંચી શોધખોળ શરૂ કરી હતી.

ભાવેશ ચુડાસમાનો મૃતદેહ દરિયામાંથી મળી આવ્યો

શોધખોળ દરમિયાન 17 વર્ષીય ભાવેશ ચુડાસમાનો મૃતદેહ દરિયામાંથી મળી આવ્યો હતો. મૃતદેહને આગળની કાયદેસરની કાર્યવાહી માટે હોસ્પિટલ ખસેડવામાં આવ્યો છે.

એક કિશોરની શોધખોળ હજુ પણ ચાલુ

જ્યારે અન્ય એક કિશોરની શોધખોળ હજુ પણ ચાલુ છે. સ્થાનિક તંત્ર, ફાયર બ્રિગેડ તેમજ બચાવ ટીમો દ્વારા દરિયામાં સતત સર્ચ ઓપરેશન હાથ ધરવામાં આવી રહ્યું છે.

આ પણ વાંચોઃ વટવૃક્ષના આકારમાં બનશે વડોદરા બુલેટ ટ્રેન સ્ટેશન, એરપોર્ટ જેવી મળશે સુવિધા, જુઓ VIDEO

પરિવારજનોમાં શોકની લાગણી

આ ઘટનાથી મૃતકના પરિવારજનોમાં શોકની લાગણી વ્યાપી છે, જ્યારે સમગ્ર પંથકમાં પણ દુઃખનો માહોલ જોવા મળી રહ્યો છે. પોલીસ દ્વારા ઘટનાની વધુ તપાસ હાથ ધરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ