મનોરંજન / રડતાં-રડતાં ખાટુ શ્યામને કરી પ્રાર્થના, 2 દિવસમાં હટેલું ગીત પાછું આવ્યું; સિંગર બોલી- ‘આ ચમત્કાર છે!’

વનિતા પાંડે મ્યુઝિકની દુનિયામાં જાણીતું નામ છે. તે એક શાનદાર સિંગર અને એક્ટ્રેસ છે. અનેક મુશ્કેલીઓ પાર કરીને તેણે ઈન્ડસ્ટ્રીમાં પોતાનું સ્થાન મજબૂત કર્યું છે. સંકટના સમયે તેમને ખાટુ શ્યામ બાબાનો સહારો મળ્યો અને તેમની નૈયા પાર થઈ હતી. એક ઈન્ટરવ્યૂમાં તેને ખાટુ શ્યામ બાબા સાથે જોડાયેલી હૃદયસ્પર્શી વાત કહી છે.

View this post on Instagram

A post shared by Vanitaa Pande (@vanitaapande9)

એક પોડકાસ્ટમાં તેને જણાવ્યું કે ‘પલ્લો લટકે’ ગીતના સમયે મારા જીવનમાં એક મોટી મુશ્કેલી આવી હતી. આ ગીત રિલીઝ થયા બાદ હટાવી દેવામાં આવ્યું હતું. કોઈએ ગીત વિશે ફરિયાદ કરી હતી અને તેને દૂર કરી દેવામાં આવ્યું. મેં વિચાર્યું કે કોઈ વાંધો નથી, હટી ગયું હોય તો આપણે ફરીથી અપલોડ કરી દઈશું. પણ કહે છે ને કે ભગવાન જ કંઈ કરે છે. અમે રેકોર્ડિંગ સ્ટુડિયોમાંથી બહાર નીકળી રહ્યા હતા. મેં યુટ્યુબને ફોન સાથે કનેક્ટ કરેલું હતું. ત્યાં જ એક ભજન વાગ્યું – ‘તીન બાણ કે ધારી તીનોં બાણ ચલાઓ ના. મુશ્કિલ મેં હૈ દાસ તેરા. અબ જલ્દી આઓ ના.’

View this post on Instagram

A post shared by Vanitaa Pande (@vanitaapande9)

વનિતા કહે છે કે તે ભજન સાંભળીને હું રડવા લાગી. મેં ખાટુ શ્યામ બાબાને કહ્યું કે તમારે મારી મદદ કરવી જ પડશે. મને ખબર નથી કે કેવી રીતે પણ તમે જ કરો અને તમે જ કરો. તમને વિશ્વાસ નહીં થાય બે દિવસમાં તે વ્યક્તિએ મારી પાસે માફી માંગી અને મારું ગીત સ્પોટિફાય પર પાછું આવી ગયું. તે પછી અમે ખાટુ શ્યામમાં શુક્રાના કરવા ગયા.

વનિતાની આ વાત સાંભળીને વીડિયો જોનારા શ્રદ્ધાળુઓ પણ ભાવુક થઈ ગયા. દરેક કોમેન્ટમાં ખાટુ શ્યામ બાબાની જય-જયકારા કરી રહ્યા છે.

વધુ વાંચો : ફિલ્મ ‘ગજની’ ફેમ પ્રદીપ રાવતનું નિધન, ઇન્ડસ્ટ્રીમાં શોકની લહેર, જાણો કારણ

વનિતા પાંડે માત્ર સિંગર જ નહીં, એક્ટ્રેસ પણ છે. તેને ફોક અને ભક્તિ ગીતો દ્વારા પોતાની અલગ ઓળખ બનાવી છે. તેને પોતાના કરિયરને નવી દિશા આપીને મ્યુઝિક અને પરફોર્મન્સની દુનિયામાં પોતાનું સ્થાન મેળવ્યું છે. તેમના ગીતોમાં લોકસંગીત, ભક્તિ અને આધુનિક પ્રસ્તુતિનું સુંદર મિશ્રણ જોવા મળે છે. ‘પલ્લો લટકે’ જેવા ગીત બાદ તે વધુ ચર્ચામાં આવી હતી. તેની આ જર્ની એવા કલાકારો માટે પ્રેરણા છે, જેઓ જીવનના કોઈ પણ તબક્કે નવી પ્રતિભા સાથે આગળ વધે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ