ગુજરાત / બ્રાન્ડેડ કેરી બેગના પૈસા વસૂલવા બદલ D-Mart પર ₹16 હજારનો દંડ: ગ્રાહક પંચે કહ્યું– ગ્રાહકોને 'મૂવિંગ એડ' બનાવી શકાતા નથી

બ્રાન્ડનું નામ ધરાવતી કેરી બેગ માટે ગ્રાહકો પાસેથી પૈસા વસૂલવાની પ્રથાને ગુજરાત રાજ્ય ગ્રાહક વિવાદ નિવારણ પંચે અયોગ્ય ગણાવી છે. પંચે ડી-માર્ટ સંચાલક એવન્યુ સુપરમાર્ટ્સ લિમિટેડને એક ગ્રાહકને રૂ. ૧૦ હજારનું વળતર અને રૂ. છ હજાર ખર્ચ ચૂકવવાનો આદેશ કર્યો છે.

આ કેસ જુલાઈ-૨૦૧૯નો છે. ગાંધીનગરના ડી-માર્ટ સ્ટોરમાંથી રૂ. ચાર હજારની ખરીદી કરનારાં સોનલ વ્યાસ પાસેથી કેરી બેગ માટે રૂ. આઠ વસૂલવામાં આવ્યા હતા. તેમણે ગ્રાહક પંચમાં ફરિયાદ કરતાં જિલ્લા પંચે ૨૦૨૦માં તેમને રૂ. છ હજાર વળતર આપવાનો આદેશ કર્યો હતો.

ગ્રાહકોને તેના ચાર્જ અંગે અગાઉથી જાણ

કંપનીએ દલીલ કરી હતી કે કેરી બેગ અલગ ઉત્પાદન છે અને ગ્રાહકોને તેના ચાર્જ અંગે અગાઉથી જાણ કરવામાં આવે છે.

આ પણ વાંચો : રેલવે પરીક્ષા કૌભાંડમાં નવો વળાંક: વરિષ્ઠ અધિકારીની પત્ની CBIના રડારમાં, પેપરલીક-વિજિલન્સની માહિતી આપ્યાના આક્ષેપ

જોકે, રાજ્ય પંચે અપીલ ફગાવીને જણાવ્યું કે ડી-માર્ટનાં નામ અને લોગોવાળી બેગ માટે ગ્રાહકો પાસેથી ચાર્જ વસૂલવો અયોગ્ય છે, કારણ કે ગ્રાહક જાહેર સ્થળોએ એ બેગ લઈને જાય છે ત્યારે તે કંપનીની જાહેરાતનું કામ કરે છે. પંચે નોંધ્યું કે આ મામલો માત્ર રૂ. આઠની રકમનો નથી, પરંતુ મોટી સંખ્યામાં ગ્રાહકોને અસર કરતી પ્રથાનો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ