વરસાદનું જોર / VIDEO : 'વાદળો નીચે ઉતરી આવ્યાં', માઉન્ટ આબુ સોળે કળાએ ખીલી ઉઠ્યું, સહેલાણીઓનો ધસારો

ગુજરાતીઓનું ફેવરીટ હિલ સ્ટેશન એટલે પડોશમાં જ, ગુજરાતીઓ મોટી સંખ્યામાં માઉન્ટ આબુમાં ફરવા (પીવો કહો) જતા હોય છે અને તેમાંય ચોમાસામાં તો માઉન્ટ આબુનો નજારો જ અલગ હોય છે.

માઉન્ટ આબુમાં ભારે વરસાદ

રાજસ્થાનના એકમાત્ર હિલ સ્ટેશન માઉન્ટ આબુમાં છેલ્લા કેટલાક દિવસોથી વરસી રહેલા ભારે વરસાદે કુદરતી સૌંદર્યને ચાર ચાંદ લગાવી દીધા છે. સતત વરસાદને કારણે પર્વતીય વિસ્તારો હરિયાળાથી છવાઈ ગયા છે, જ્યારે ઝરણાઓમાં નવા પ્રાણ આવ્યા હોય તેવો નજારો જોવા મળી રહ્યો છે.વાદળો જાણે વાતો કરવા નીચે આવ્યો હોય તેવો ઘાટ સર્જાયો હતો.

નક્કી લેક પર અદ્દભુત નજારો

નક્કી લેક સહિતના પ્રવાસન સ્થળોએ ધુમ્મસ અને વરસાદી વાતાવરણ વચ્ચે અદભૂત દૃશ્યો સર્જાયા છે. વરસાદ બાદ ઠંડકમાં વધારો થતા પ્રવાસીઓ મોટી સંખ્યામાં માઉન્ટ આબુ પહોંચી રહ્યા છે. રસ્તાઓની આસપાસના પર્વતો પર લીલીછમ ચાદર પથરાઈ જતા સમગ્ર વિસ્તાર કુદરતી સૌંદર્યથી ઝળહળી ઉઠ્યો છે. સારા વરસાદથી જળાશયોમાં પાણીની આવક વધી છે, જે આવનારા દિવસોમાં પાણી સંગ્રહ માટે લાભદાયી સાબિત થશે. હવામાન વિભાગે આગામી દિવસોમાં પણ હળવાથી મધ્યમ વરસાદની શક્યતા વ્યક્ત કરી છે.

વધુ વાંચો : 5 દુલ્હને 8 યુવકો સાથે માણી 'સુહાગરાત', આખો કાંડ જાણીને ગુજરાત ફફડી ઉઠ્યું, જાણીને ચેતી જજો!

પ્રવાસીઓ માટે વિશેષ આકર્ષણનું કેન્દ્ર બન્યું

ભારે વરસાદ બાદ માઉન્ટ આબુનું મનમોહક રૂપ હાલ પ્રવાસીઓ માટે વિશેષ આકર્ષણનું કેન્દ્ર બન્યું છે. આ નજારો જોવા માટે પ્રવાસીઓએ ધસારો કરી મૂક્યો હતો. ગુજરાત સહિત દેશભરમાંથી મોટી સંખ્યામાં પ્રવાસીઓ ઉમટ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ