સ્પોર્ટ્સ / આજે ભારત-પાકિસ્તાન વચ્ચે મહામુકાબલો, જુઓ ક્યાં-ક્યારે જોઇ શકશો LIVE

ભારત અને પાકિસ્તાન વચ્ચેનો કોઈપણ ક્રિકેટ મુકાબલો ચાહકો માટે ખાસ હોય છે. ભલે આ લેજેન્ડ્સ ક્રિકેટ હોય, પરંતુ બંને દેશોના પૂર્વ ખેલાડીઓ વચ્ચેની ટક્કર હંમેશાં રોમાંચથી ભરપૂર રહે છે. એશિયન લેજેન્ડ્સ લીગ 2026માં આજે ઇન્ડિયન રોયલ્સ અને પાકિસ્તાન પેન્થર્સ વચ્ચેનો મુકાબલો ઝામ્બિયાના લુસાકા સ્થિત લોટસ સ્પોર્ટ્સ ક્લબમાં રમાશે.શિખર ધવન, સુરેશ રૈના અને દિનેશ કાર્તિક જેવા ભારતીય દિગ્ગજો સામે મોહમ્મદ હફીઝ, શોએબ મલિક અને કામરાન અકમલ જેવા પાકિસ્તાની સ્ટાર્સ મેદાનમાં ઉતરશે. આ મેચ ક્યાં રમાશે અને ક્યાં લાઈવ જોઈ શકાશે તેની તમામ માહિતી અહીં જાણો.

ક્યાં અને કેટલા વાગ્યે રમાશે મેચ?

ઇન્ડિયન રોયલ્સ અને પાકિસ્તાન પેન્થર્સ વચ્ચેની મેચ ઝામ્બિયાના લુસાકામાં આવેલા લોટસ સ્પોર્ટ્સ ક્લબ ગ્રાઉન્ડ પર રમાશે. ભારતીય સમય અનુસાર મેચ બપોરે 4:00 વાગ્યે શરૂ થશે. આ ટુર્નામેન્ટમાં એશિયાના અનેક દેશોના પૂર્વ આંતરરાષ્ટ્રીય ખેલાડીઓ ભાગ લઈ રહ્યા છે, જેના કારણે ચાહકોમાં ભારે ઉત્સાહ જોવા મળી રહ્યો છે.

ક્યાં જોઈ શકશો LIVE મેચ?

ભારતીય ક્રિકેટપ્રેમીઓ આ મેચનું લાઈવ પ્રસારણ Sony Sports Network પર જોઈ શકશે. ઉપરાંત મોબાઇલ અને ઓનલાઈન સ્ટ્રીમિંગ માટે FanCode એપ અને વેબસાઇટ પર પણ મેચ લાઈવ ઉપલબ્ધ રહેશે. જે દર્શકો ટીવી પર મેચ જોઈ શકતા નથી તેઓ સ્માર્ટફોન અથવા લેપટોપ દ્વારા સરળતાથી લાઈવ સ્ટ્રીમિંગનો આનંદ માણી શકશે.

આ પણ વાંચોઃ બોક્સિંગમાં સાક્ષી અને પ્રિયાનો 'ગોલ્ડન પંચ': કોમનવેલ્થ ગેમ્સમાં ભારતના 11 ગોલ્ડ સહિત કુલ 35 મેડલ !

ઇન્ડિયન રોયલ્સમાં દિગ્ગજ ખેલાડીઓની ભરમાર

ભારતીય ટીમમાં શિખર ધવન, સુરેશ રૈના, દિનેશ કાર્તિક, હરભજન સિંહ, યુસુફ પાઠાણ, અંબાતી રાયુડુ, સ્ટુઅર્ટ બિન્ની, મનપ્રીત ગોની, પવન નેગી, શાહબાઝ નદીમ, ઋષિ ધવન, નમન ઓઝા, અનૂરીત સિંહ, શદાબ જકાતી, સુદીપ ત્યાગી અને ફૈઝ ફઝલ જેવા અનુભવી ખેલાડીઓ સામેલ છે. આ ખેલાડીઓ ફરી એકવાર મેદાનમાં જૂની યાદો તાજી કરશે.

પાકિસ્તાન પેન્થર્સ પણ મજબૂત ટીમ સાથે મેદાનમાં

પાકિસ્તાન પેન્થર્સમાં મોહમ્મદ હફીઝ, શોએબ મલિક, કામરાન અકમલ, ઉમર અકમલ, શર્જીલ ખાન, સઈદ અજમલ, સોહેલ તનવીર, વહાબ રિયાઝ, યાસિર શાહ, મોહમ્મદ ઇરફાન, અબ્દુર રહેમાન, રાહત અલી, ઇમરાન નઝીર, નવીદ-ઉલ-હસન, સામી અસલમ અને રાણા નઈમ અનવર જેવા અનુભવી ખેલાડીઓનો સમાવેશ થાય છે. બંને ટીમોમાં અનેક પૂર્વ આંતરરાષ્ટ્રીય સ્ટાર્સ હોવાથી મુકાબલો વધુ રસપ્રદ બનવાની શક્યતા છે.

ચાહકોને ફરી મળશે ભારત-પાકિસ્તાન રોમાંચ

લેજેન્ડ્સ લીગ હોવા છતાં ભારત અને પાકિસ્તાન વચ્ચેની ટક્કરનું આકર્ષણ હંમેશાની જેમ જ રહેશે. બંને દેશોના પૂર્વ સ્ટાર ખેલાડીઓને ફરી એકવાર એક જ મેદાન પર જોવા માટે ક્રિકેટપ્રેમીઓ આતુર છે. આ મેચ માત્ર મનોરંજન પૂરતી નહીં પરંતુ બંને ટીમોના અનુભવી ખેલાડીઓ વચ્ચેની પ્રતિષ્ઠાની જંગ પણ બની રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ