બ્રેકિંગ ન્યુઝ
બ્રેકિંગ ન્યુઝ
VTV / મનોરંજન / બોલિવૂડ / 1987ની રામાયણથી કેટલી અલગ છે 2026ની 'રામાયણ'? 8 એવાં કેરેક્ટર જેની ખૂબ થઇ રહી છે ચર્ચા
9 ફોટો ગેલેરી
Last Updated: 07:16 PM, 2 August 2026
FOLLOW ON
શેર કરો
1/9
નિર્દેશક નિતેશ તિવારીની સૌથી મોસ્ટ અવેટેડ પૌરાણિક ફિલ્મ 'રામાયણમ્: પાર્ટ 1' નું 4 મિનિટ અને 9 સેકન્ડનું ટ્રેલર જાહેર થતાં જ સોશિયલ મીડિયા પર તેની ભારે ચર્ચા શરૂ થઈ ગઈ છે. વીએફએક્સ (VFX) અને આધુનિક ટેકનોલોજીથી સજ્જ આ ફિલ્મ જોઈને ઘણા દર્શકોને 90 ના દાયકાની દૂરદર્શન પર પ્રસારિત થતી રામાનંદ સાગરની 'રામાયણ' યાદ આવી ગઈ છે, જેમાં ટેકનોલોજી કરતાં કલાકારોના ઉત્કૃષ્ટ અભિનયે લોકોના દિલ જીત્યા હતા. અહીં બંને રામાયણના એ 8 મુખ્ય પાત્રોની વિગતો આપી છે જેમના લૂક અને અભિનયની હાલ ચારેય તરફ સરખામણી અને ચર્ચા થઈ રહી છે.
આ તસવીર શેર કરો
2/9
2026 (રામાયણમ્): કેજીએફ (KGF) ફેમ સાઉથ સુપરસ્ટાર યશ રાવણના પાવરફુલ અવતારમાં લંકાની રાજગાદી સંભાળતો જોવા મળે છે. 1987 (રામાયણ): દિવંગત અભિનેતા અરવિંદ ત્રિવેદી એ રાવણનું પાત્ર અમર બનાવી દીધું હતું, જેમની કડક અવાજ અને અભિનય આજે પણ લોકોના મનમાં જીવંત છે.
આ તસવીર શેર કરો
3/9
2026 (રામાયણમ્): બોલિવૂડ એક્ટર રણબીર કપૂર શ્રી રામની ભૂમિકામાં વનવાસ પહેલા અને પછીના દ્રશ્યોમાં નજરે પડે છે. 1987 (રામાયણ): અરુણ ગોવિલ એ પ્રભુ રામનું એવું શાંત અને સૌમ્ય પાત્ર ભજવ્યું હતું કે લોકો આજે પણ તેમને સાક્ષાત ભગવાન માને છે.
આ તસવીર શેર કરો
4/9
2026 (રામાયણમ્): રસપ્રદ વાત એ છે કે 1987 માં રામ બનેલા અરુણ ગોવિલ પોતે આ 4000 કરોડી નવી ફિલ્મમાં રાજા દશરથના મહત્વના રોલમાં જોવા મળશે.
આ તસવીર શેર કરો
5/9
2026 (રામાયણમ્): અભિનેત્રી લારા દત્તા માતા કૈકેયીના રોલમાં જોવા મળે છે, જેના લૂકની ખૂબ ચર્ચા થઈ રહી છે. 1987 (રામાયણ): આ પાત્ર દિગ્ગજ અભિનેત્રી પદ્મા ખન્ના એ ભજવ્યું હતું અને તેમના દમદાર અભિનયની ખૂબ પ્રશંસા થઈ હતી.
આ તસવીર શેર કરો
6/9
2026 (રામાયણમ્): દક્ષિણ ભારતીય અભિનેત્રી સાઈ પલ્લવી માતા સીતાના રૂપમાં ખૂબ જ સુંદર અને રોલને બંધબેસતી લાગે છે. 1987 (રામાયણ): દીપિકા ચિખલિયા એ માતા સીતાનું કાલજયી પાત્ર ભજવ્યું હતું અને દર્શકો આજે પણ તેમની જ સરખામણી નવી સીતા સાથે કરી રહ્યા છે.
આ તસવીર શેર કરો
7/9
2026 (રામાયણમ્): જાણીતા ટીવી અને ફિલ્મ એક્ટર રવિ દુબે લક્ષ્મણના મહત્વના પાત્રમાં જોવા મળી રહ્યા છે. 1987 (રામાયણ): સુનીલ લહરી એ લક્ષ્મણના તેજસ્વી અને ક્રોધિત સ્વભાવવાળા પાત્રને યાદગાર બનાવી દીધું હતું.
આ તસવીર શેર કરો
8/9
2026 (રામાયણમ્): નવી ફિલ્મમાં રકુલ પ્રીત સિંહ શૂર્પણખાના પાત્રમાં જોવા મળી રહી છે અને તેના લૂકની સોશિયલ મીડિયા પર ભારે હાઇપ છે. 1987 (રામાયણ): 90 ના દાયકામાં આ પાત્ર અભિનેત્રી રેણુ ધરીવાલ દ્વારા ભજવવામાં આવ્યું હતું.
આ તસવીર શેર કરો
9/9
2026 (રામાયણમ્): બહુમુખી પ્રતિભા ધરાવતી અભિનેત્રી શીબા ચઢ્ઢા મંથરાના પાત્રમાં નજરે પડી રહી છે. 1987 (રામાયણ): દિગ્ગજ એક્ટ્રેસ લલિતા પવાર એ મંથરાના પાત્રને એવું જીવંત કર્યું હતું કે આજે પણ મંથરાનું નામ લેતાં જ તેમનો ચહેરો સામે આવી જાય છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
