દિલ્હી / VIDEO : પ્રેસ કોન્ફરન્સમાં સાંસદ પપ્પુ યાદવ પર ચાકૂથી જીવલેણ હુમલાનો પ્રયાસ, સમર્થકોએ માર માર્યો

રવિવારે રાજધાની દિલ્હીમાં અપક્ષ સાંસદ પપ્પુ યાદવની પ્રેસ કોન્ફરન્સ દરમિયાન ભારે હોબાળો મચી ગયો હતો. પૂર્ણિયાના સાંસદ પર છરી વડે હુમલો કરવાનો પ્રયાસ કરવામાં આવ્યો હતો. આ હુમલા બાદ પપ્પુ યાદવના સમર્થકોએ હુમલાખોરનો સખત માર માર્યો હતો.

પપ્પુ યાદવે શું કહ્યું?

આ ઘટના અંગે પપ્પુ યાદવે દાવો કર્યો હતો કે, "કોઈએ મારા ઘરમાં ઘૂસીને મારા પર હુમલો કર્યો. શું લોકો હવે મને મળવા પણ નથી આવી શકતા? તે મને મારવા માટે છરી લઈને આવ્યો હતો. આ બાબાઓ દરરોજ કહી રહ્યા છે કે, 'મને મારી નાખો, મને બાળી નાખો, અને અમે તમને 51 લાખ રૂપિયા આપીશું.' અમે તેને પકડી લીધો અને પોલીસને સોંપી દીધો. મને મારવાનું કાવતરું ઘડવામાં આવ્યું હતું, પરંતુ હું બચી ગયો.

પપ્પુ યાદવના વકીલે શું કહ્યું

પપ્પુ યાદવના વકીલે કહ્યું, "આજની ઘટના ખૂબ જ નિંદનીય છે. તે દિલ્હી પોલીસની નિષ્ફળતા દર્શાવે છે. દિલ્હી પોલીસનું કાવતરું દર્શાવે છે કે દિલ્હી પોલીસ છ વખત ચૂંટાયેલા સાંસદ વિરુદ્ધ કાવતરું ઘડી રહી છે. તેને પોલીસની નિષ્ફળતા કહો, સંયોગ કહો કે શું? છેલ્લા બે દિવસથી, અમે સતત ફરિયાદ કરી રહ્યા છીએ કે છ વખત ચૂંટાયેલા સાંસદ વિરુદ્ધ આ પ્રકારનું કાવતરું ઘડવામાં આવી રહ્યું છે. ટ્વિટર પર તેમના વિરુદ્ધ ખુલ્લેઆમ ટ્વીટ્સ પોસ્ટ કરવામાં આવી રહ્યા છે.

વધુ વાંચો : VIDEO : 'મેરી લાડલી રે' દીકરીએ ગર્ભમાંથી પિતાને આપ્યો જવાબ, વીડિયો જોઈને ભાવુક થઈ જશો

સંસદ સામે દાન ચોરીનું નાટક કર્યું

ઉલ્લેખનીય છે કે તાજેતરમાં જ પપ્પુ યાદવે સંસદની સામે રામ મંદિર દાન ચોરી પર એક નાટક કર્યું હતું જેમાં રાહુલ ગાંધી પણ હાજર રહ્યાં હતા. વારાણસીમાં રાહુલ ગાંધી અને બે સાંસદો પપ્પુ યાદવ અને અવધેશ પ્રસાદ વિરુદ્ધ FIR નોંધાઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ