નેશનલ / ''PM મોદીએ મારી દીકરીને નવું જીવન'', અપશબ્દો બોલનારી વિદ્યાર્થીનીની માંનું મોટું નિવેદન

National News: પીએમ નરેન્દ્ર મોદી વિરુદ્ધ અભદ્ર નારા લગાવનાર સગીર છોકરીની માતાએ વડા પ્રધાનનો આભાર માન્યો છે. તેમણે કહ્યું કે પીએમએ તેમની દીકરીને માફ કરીને નવું જીવન આપ્યું છે. તેમણે પોલીસ એફઆઈઆર પાછી ખેંચવાની અપીલ કરી અને માંગ કરી કે સરકાર 20 વર્ષથી ઓછી ઉંમરના બાળકોને સોશિયલ મીડિયા અને વિરોધ પ્રદર્શનોમાં ભાગ લેવાથી પ્રતિબંધિત કરે.

પીએમ નરેન્દ્ર મોદી વિરુદ્ધ અપમાનજનક અને અભદ્ર ભાષાનો ઉપયોગ કરનારી 15 વર્ષની છોકરીની માતાએ વડા પ્રધાન મોદીના માફ કરવાના નિર્ણય બદલ આભાર વ્યક્ત કર્યો છે. તેમણે કહ્યું કે વડા પ્રધાને તેમની દીકરીને "નવી જિંદગી" આપી છે અને માફીને તેમના જન્મદિવસની સૌથી મોટી ભેટ ગણાવી છે.

છોકરીની માતાએ કહ્યું કે તે બદલાની કાર્યવાહીને બદલે માફી પસંદ કરવા બદલ વડા પ્રધાન મોદીનો હાથ જોડીને આભાર માને છે. તેમણે કહ્યું, "પીએમ મોદીએ અભદ્ર અને અશ્લીલ ભાષાનો ઉપયોગ કરનારી છોકરીને માફ કરીને પોતાની મહાનતા દર્શાવી છે. આજે તેનો જન્મદિવસ છે, અને વડા પ્રધાન મોદીએ તેને સૌથી મોટી ભેટ આપી છે - જીવનદાન." આજે આ છોકરીનો પુનર્જન્મ થયો છે.”

શુક્રવારે વડા પ્રધાન મોદીએ ઇન્સ્ટાગ્રામ પર એક વિડિઓ શેર કર્યો હતો જેમાં લોકોને સંયમ રાખવા વિનંતી કરવામાં આવી હતી. આ ઘટના જંતર-મંતર પર નીટ-યુજી પેપર લીક સામે સીજેપીની આગેવાની હેઠળના વિદ્યાર્થીઓના વિરોધ દરમિયાન તેમના વિરુદ્ધ કથિત અપમાનજનક સૂત્રોચ્ચાર સાથે સંબંધિત છે.

પીએમ મોદીએ અપશબ્દોનો ઉપયોગ કરનારાઓને "ભટકી ગયેલા" ગણાવ્યા હતા, અને કહ્યું હતું કે ગુસ્સાથી કે બદલો લઈને પ્રતિક્રિયા આપવી અયોગ્ય છે. થોડા સમય પછી છોકરીનો માફી માંગતો એક વિડિઓ સામે આવ્યો હતો. વિડિઓમાં તેણીએ પોતાને 15 વર્ષની છોકરી તરીકે ઓળખાવી અને કહ્યું કે તેણીને તેની ભૂલની ગંભીરતાનો અહેસાસ થયો.

આ પણ વાંચોઃ ટિપ્પણી / પતિએ પત્ની પર લગાવ્યો વ્યભિચારનો આરોપ, તો સુપ્રીમ કોર્ટે શું કહ્યું? ચુકાદો વાંચવા જેવો

છોકરીએ કહ્યું કે તેણે જે કર્યું તે માફીલાયક ન હતું અને તેણે વડા પ્રધાન વિરુદ્ધ ઘણી અયોગ્ય ટિપ્પણીઓ કરી હતી. તેણે જણાવ્યુ કે તે મિત્રો સાથે કનોટ પ્લેસ ફર્યા પછી વિરોધ પ્રદર્શનમાં પહોંચી હતી અને તેની આસપાસના લોકોને વડા પ્રધાન વિરુદ્ધ અપમાનજનક સૂત્રોચ્ચાર કરતા જોઇ તે પ્રભાવિત થઈ હતી. છોકરીએ તેને પોતાની "પહેલી અને છેલ્લી ભૂલ" ગણાવતા સમગ્ર દેશની માફી માંગી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ