ગુજરાતમાં વરસાદ / VIDEO : દ્વારકાના દરિયામાં ભારે કરંટ વચ્ચે 2 યુવકોએ કર્યું સ્નાન,15 ફૂટ ઉંચા મોજા ઉછળ્યા છતાં લગાવી છલાંગ

દ્વારકાના દરિયામાં કરંટ હોવા છતાં કેટલાક યુવાનોએ દરિયામાં ઉતરી જોખમી સ્નાન કર્યું હોવાની ઘટના સામે આવી છે. દરિયાકાંઠે હાજર સ્થાનિકો અને પ્રવાસીઓએ યુવાનોને બહાર નીકળી જવાની વારંવાર ચેતવણી આપી હતી, છતાં કેટલાક યુવાનો પાણીમાં આગળ વધતા જોવા મળ્યા હતા.

ભારે કરન્ટમાં બે યુવાનો તરતા રહ્યાં

મળતી માહિતી મુજબ દરિયામાં તેજ કરંટ હોવાથી તરવું જોખમી બન્યું હતું. સદનસીબે કોઈ જાનહાનિ થઈ નથી, પરંતુ આ ઘટનાએ સુરક્ષા વ્યવસ્થાને લઈને ચિંતા ઉભી કરી છે.સ્થાનિક તંત્રએ પ્રવાસીઓ અને નાગરિકોને દરિયામાં કરંટ હોય ત્યારે પાણીમાં ન ઉતરવા અને ચેતવણીના બોર્ડ તથા સૂચનાઓનું પાલન કરવા અપીલ કરી છે.

આ પણ વાંચોઃ ટિપ્પણી / પતિએ પત્ની પર લગાવ્યો વ્યભિચારનો આરોપ, તો સુપ્રીમ કોર્ટે શું કહ્યું? ચુકાદો વાંચવા જેવો

યુવકોના જોખમી સ્નાનનો વીડિયો વાયરલ

યુવકોના જોખમી સ્ટંટનો વીડિયો સોશિયલ મીડિયામાં વાયરલ થયો હતો. ખાસ કરીને ચોમાસા દરમિયાન દરિયાની સ્થિતિ પળેપળે બદલાતી હોવાથી સાવચેતી રાખવી અત્યંત જરૂરી હોવાનું અધિકારીઓએ જણાવ્યું છે. દ્વારકા દરિયાકાંઠે મોટી સંખ્યામાં પ્રવાસીઓ આવતા હોવાથી તંત્ર દ્વારા સતત દેખરેખ રાખવામાં આવી રહી છે. તંત્રએ જણાવ્યું છે કે જોખમી વિસ્તારોમાં પ્રવેશ ટાળવો અને લાઇફગાર્ડની સૂચનાઓનું પાલન કરવું દરેક માટે જરૂરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ