ગુજરાત / લેપટોપમાં મળી ‘I LOVE YOU’ની ચેટ! ‘I MISS YOU’ વાંચતાં જ દંપતી વચ્ચે થયો મોટો વિવાદ

નરોડા વિસ્તારમાં રહેતી એક મહિલાએ પતિ, સાસુ-સસરા અને નણંદ વિરુદ્ધ પશ્ચિમ મહિલા પોલીસ સ્ટેશનમાં ફરિયાદ નોંધાવી છે. મહિલાનો આક્ષેપ છે કે પતિના લેપટોપમાં અન્ય મહિલા સાથેની વોટ્સએપ ચેટ વાંચ્યા બાદ ઘરમાં વિવાદ સર્જાયો હતો. ચેટમાં ‘આઈ લવ યુ’ અને ‘આઈ મિસ યુ’ જેવા સંદેશા જોવા મળતાં પતિને પૂછપરછ કરતાં તેણે ઉશ્કેરાઈ જઈ મારપીટ કરી હતી.

પતિએ મહિલાના પેટ પર બેસીને ગળું દબાવી હત્યા કરવાનો પ્રયાસ કર્યો હતો. મહિલાએ બૂમાબૂમ કરતાં પરિવારના અન્ય સભ્યો વચ્ચે પડતાં વધુ અનિચ્છનીય બનાવ ટળ્યો હોવાનું ફરિયાદમાં જણાવ્યું છે. મહિલાએ વધુમાં આક્ષેપ કર્યો છે કે લગ્ન બાદથી જ સાસરિયાંઓ દ્વારા માનસિક ત્રાસ આપવામાં આવતો હતો.

આ પણ વાંચો : 10 મિનિટમાં ₹27.50 લાખનો સફાયો! ઘરઘાટીએ એકલતાનો ફાયદો ઉઠાવી બે થેલા ભરી કર્યા ફરાર

ખાસ કરીને નણંદ વારંવાર અપમાનજનક શબ્દોમાં બોલતી અને તું નેપાળી છે, તને જમવાનું બનાવતાં આવડતું નથી કહીને હેરાન કરતી હતી. પતિ પણ આ વર્તનનો વિરોધ કરવાના બદલે પરિવારનો જ પક્ષ લેતો હતો. સતતના શારીરિક અને માનસિક ત્રાસથી કંટાળીને અંતે મહિલાએ પશ્ચિમ મહિલા પોલીસ સ્ટેશનમાં ફરિયાદ નોંધાવી છે. પોલીસે ફરિયાદના આધારે ગુનો નોંધી સમગ્ર મામલે તપાસ શરૂ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ