- દોડતી બાઈક પર બે છોકરીઓએ કર્યો રોમાન્સ
- બાઈક પર સામસામી બેસીને કિસ કરીને આલિંગન કર્યું
- છોકરીઓનો રોમાન્સ જોઈને સોશિયલ મીડિયા ગરમ થયું
ચાલતી બાઈક પર યુવાન-યુવતી કે કપલના રોમાન્સના વીડિયો તો ઘણાએ જોયા હશે પરંતુ કદાચ પહેલી વાર છોકરીઓના રોમાન્સનો એક વીડિયો વાયરલ થયો છે. જોકે દેખીતી રીતે છોકરીઓનું આવું કરવું રિલ્સ માટે જ હોઈ શકે. આ વાત સાબિત કરે છે કે રિલ્સ માટે લોકો કોઈ પણ હદે જવા તૈયાર જ હોય છે. દોડતી બાઈક પર છોકરીઓના રોમાન્સનો વીડિયો જોઈને લોકો ચોંકી ઉઠ્યાં છે.
બાઈક પર સામસામી બેઠી બે છોકરીઓ, કિસ કરી
વાઈરલ થયેલી લેટેસ્ટ ક્લીપમાં જોઇ શકાય છે કે, બે છોકરીઓ ચાલતી બાઈક પર એકબીજાને કિસ કરી રહી છે અને એકબીજાને બાહુપાશમાં જકડી રહી છે. પરંતુ જે સ્ટાઈલમાં બંને બાઈક પર બેઠેલા જોવા મળે છે તે વધુ આશ્ચર્ય પમાડે તેવી છે. આ વીડિયો ક્યાંનો છે તે તો ખબર નથી, પરંતુ બાઇકની નંબર પ્લેટ પરથી ખબર પડે છે કે આ વીડિયો તમિલનાડુમાં ક્યાંયનો હોઈ શકે. વીડિયોમાં જોઈ શકાય છે કે રસ્તા પર બાઈક ખૂબ જ સ્પીડમાં ચાલી રહી છે. સાથે જ તેના પર સવાર બે છોકરીઓ સામસામે બેઠી છે. બંને ખુલ્લેઆમ એકબીજાને કિસ કરી રહ્યા છે અને ગળે લગાવી રહ્યા છે. આ દરમિયાન ત્યાંથી પસાર થતા અન્ય એક બાઈક ચાલકે તેને મોબાઈલમાં રેકોર્ડ કરી લીધો હતો, જે હાલ ઈન્ટરનેટ પર વાઈરલ થયો છે.
26 લાખથી વધુ લોકોએ જોયો વીડિયો
ઈન્સ્ટાગ્રામ પર આ વીડિયો ખૂબ ધૂમ મચાવી રહ્યો છે. આ ક્લિપને અત્યાર સુધીમાં 26 લાખથી વધુ વ્યૂઝ મળી ચૂક્યા છે, જ્યારે 80 હજાર લોકોએ તેને લાઈક કરી છે. બે છોકરીઓના રોમાન્સનો આ વીડિયો વાયરલ થતા જ લોકોના હોશ ઉડી ગયા હતા. આ વીડિયોને લઈને સોશિયલ મીડિયામાં તોફાન આવ્યું હતું. એક યુઝરે કમેન્ટ કરી છે કે, બાઈક એક ખૂણામાં અને છોકરીઓ બીજા ખૂણામાં મળી હશે. એકે લખ્યું કે હવે આ જોવાનું બાકી હતું. અન્ય એક યુઝરે કમેન્ટ કરી હતી કે, બાઇક પણ કહેતી હશે કે મારી શક્તિઓનો દુરુપયોગ થઈ રહ્યો છે. ઉલ્લેખનીય છે કે મોટર વાહન કાયદા અનુસાર આવું કરવું ગેરકાયદેસર છે અને તેને માટે મોટો દંડ પણ થઈ શકે છે.
