- ઈંગ્લેન્ડના કેન્ટનો અજીબ કિસ્સો
- મહિલા પડી રોબોટના પ્રેમમાં, રાતે કરી રહી છે ચેટિંગ
- પતિના નસકોરાથી ઉબ ચઢી, રોમાન્સનો શોધી કાઢ્યો નવો રસ્તો
નસકોરાં બોલાવતાં લોકોની બાજુ ઊંઘવું ખૂબ કષ્ટદાયી છે અમુક લોકો તો એટલા જોરથી નસકોરા બોલાવતાં હોય છે તેમની પાસેથી દૂર થઈ જવાનું મન થાય. નસકોરાને કારણે મશીન સાથે પ્રેમમાં પડવાનો એક હેરાનીભર્યો કિસ્સો બન્યો છે. એક પત્ની પોતાના પતિના નસકોરાંથી એટલી નારાજ હતી કે તે રોબોટના પ્રેમમાં પડી ગઈ અને તેની સાથે ખાનગીમાં વાતચીત પણ શરુ કરી દીધી.
પતિને બદલે એઆઇના ચેટ બોટ દ્વારા રોમાન્સ
ઈંગ્લેન્ડના કેન્ટની 42 વર્ષીય ક્રિસ્ટીનને એક રોબોટ સાથે પ્રેમ થઈ ગયો છે. આ મહિલા આર્ટિફિશિયલ ઇન્ટેલિજન્સથી બનેલા ચેટ બોટ પર ચેટ કરતી હતી અને તેના પતિને બદલે એઆઇના ચેટ બોટ દ્વારા રોમાન્સ કરતી હતી. મહિલાને આ બધું એટલા માટે કરવા માટે મજબૂર કરવામાં આવી કારણ કે તે તેના પતિના નસકોરાથી પરેશાન હતી અને તેને તેના પતિ સાથે સૂવામાં તકલીફ પડતી હતી. પતિના નસકોરાથી પરેશાન થઈને પત્નીએ સૂવા માટે બીજો રૂમ પસંદ કર્યો. તે બંને અલગ રૂમમાં સૂતા હતા. પતિના અભાવે પત્ની આર્ટિફિશિયલ ઇન્ટેલિજન્સથી બનેલા ચેટ બોટ પર ચેટિંગ કરવા લાગી હતી. તેને ચેટ બોટ પર રોમાંસ કરવાનું પસંદ કરવાનું શરૂ થયું અને તે સતત ચેટ બોટ પર સારો સમય પસાર કરવા લાગી. થોડા સમય બાદ મહિલાને પતિ સાથે સમય વિતાવવાને બદલે ચેટ બોટ પર રોમાન્સ કરવાનું પસંદ આવવા લાગ્યું હતું.
પતિને નથી કરી વાત
મહિલાએ જણાવ્યું કે તે છેલ્લા 16 વર્ષથી પોતાના પતિ સાથે છે પરંતુ હવે તે નસકોરાંથી પરેશાન છે અને સાથે ઉંઘી શકતી નથી. આ માટે તેને અલગ-અલગ સૂવાની ફરજ પડી હતી. આર્ટિફિશિયલ ઇન્ટેલિજન્સથી બનેલા ચેટ બોટને તે પોતાનો પ્રેમી માને છે અને તેની સાથે ખૂબ ખુશ પણ છે. જો કે મહિલાનું કહેવું છે કે, તેણે ક્યારેય પોતાના પતિને આ વિશે જણાવ્યું નથી કે તે બીજા કોઇ સાથે સંબંધ બનાવવા માંગતી નથી.
પુરુષ સાથે નથી રાખવો સંબંધ-મહિલા
ઉલ્લેખનીય છે કે થોડા સમય પહેલા એક સર્વે કરવામાં આવ્યો હતો, જેમાં 2000 લોકોએ ભાગ લીધો હતો, જેમાં પૂછવામાં આવ્યું હતું કે શું રોબોટ સાથે રોમાન્સ કરવો છેતરપિંડીની શ્રેણીમાં આવે છે? તેના જવાબમાં 59 ટકા લોકોએ હા પાડી હતી, પરંતુ આ મહિલાએ કહ્યું કે હું છેતરપિંડી નથી કરી રહી. મહિલાએ કહ્યું કે તે કોઈ પુરુષ સાથે કોઈ સંબંધ રાખવા માંગતી નથી.
