- નર્મદા જિલ્લામાં ભારે વચ્ચે કલેક્ટરનું જાહેરનામું
- જિલ્લાની તમામ શાળા, કોલેજો બંધ રાખવા આદેશ
- સ્ટેચ્યૂ ઓફ યુનિટી જવાના તમામ માર્ગ બંધ
- હાઈવે પર પાણી ફરી વળતા રાહદારીઓ અટવાયા
- અટવાયેલા રાહદારીઓનું પોલીસ સાથે ઘર્ષણ
Heavy Rain In Narmada : ગુજરાતમાં અવિરત વરસાદ વચ્ચે હવે નર્મદા જિલ્લામાં જ્યાં જુઓ ત્યાં પાણી જ પાણી જોવા મળી રહ્યું છે. આ તરફ હવે નર્મદા કલેક્ટરે જાહેરનામું બહાર પાડ્યું છે. વાત જાણે એમ છે કે, નર્મદા જિલ્લામાં ભારે વરસાદ વચ્ચે હવે જિલ્લાની તમામ શાળા, કોલેજો બંધ રાખવા આદેશ કરવામાં આવ્યો છે. આ સાથે નર્મદાથી સ્ટેચ્યૂ ઓફ યુનિટી જવાના તમામ માર્ગ બંધ હોઇ હાઈવે પર પાણી ફરી વળતા રાહદારીઓ અટવાયા હોવાનું પણ સામે આવ્યું છે.
નર્મદા જિલ્લા કલેક્ટરે બહાર પાડ્યું જાહેરનામું
નર્મદા જિલ્લામાં ભારે વરસાદ વચ્ચે કલેક્ટરે જાહેરનામું બહાર પાડ્યું છે. ક્લેક્ટરે જિલ્લાની તમામ શાળા, કોલેજો, ITI બંધ રાખવા આદેશ કર્યો છે. મહત્વનું છે કે, નર્મદા ડેમમાંથી 23 દરવાજા ખોલી પાણી છોડાયું છે. જેને લઈ હવે નીંચાણવાળા અનેક ગામ પાણીમાં ગરકાવ થઈ ગયા છે. આ તરફ કોઇ જાનહાની ન સર્જાય તે માટે કલેક્ટર દ્વારા જાહેરનામું બહાર પાડી આદેશ કરવામાં આવ્યો છે.
સ્ટેચ્યૂ ઓફ યુનિટી જવાના તમામ માર્ગ બંધ
નર્મદા જિલ્લામાં ભારે વરસાદ વચ્ચે નર્મદાથી સ્ટેચ્યૂ ઓફ યુનિટી જવાના તમામ માર્ગ બંધ થઈ ગયા છે. આ તરફ વરસાદ વચ્ચે હાઈવે પર પાણી ફરી વળતા રાહદારીઓ અટવાયા હતા. જોકે અટવાયેલા રાહદારીઓનું પોલીસ સાથે ઘર્ષણ પણ થયું હોવાના અહેવાલ છે. આ તરફ ભારે વરસાદ વચ્ચે હાઈવે પર ટ્રાફિકજામના દ્રશ્યો સર્જાયા હતા. મહત્વનું છે કે, નર્મદાનું પાણી હાઈવે સુધી પહોંચ્યું છે.
હવામાન વિભાગે કરી છે વરસાદની આગાહી
અત્રે ઉલ્લેખનીય છે કે હવામાન વિભાગ અને હવામાન નિષ્ણાંતોએ પણ ગુજરાતમાં 4 દિવસ વરસાદની આગાહી કરી છે. જે મુજબ 17 સપ્ટેમ્બર છોટાઉદેપુર, ભરૂચ, સુરત, દમણ, દાદરા નગર હવેલી, બનાસકાંઠા, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, કચ્છમાં પણ સામાન્ય વરસાદની આગાહી છે. જ્યારે 18 સપ્ટેમ્બરે સુરત, સુરેન્દ્રનગર, મોરબી, બોટાદ, પાટણ, મહેસાણા, ગાંધીનગર, ખેડા, અમદાવાદ, નવસારી, વલસાડ, અમરેલી, ભાવનગર, ગીર સોમનાથ, કચ્છમાં વરસાદની આગાહી છે. 19 સપ્ટેમ્બરે કચ્છ અને દ્વારકામાં ભારે વરસાદની આગાહી છે.
