Tiger 3 Teaser Video: સુપરસ્ટાર સલમાન ખાનની ફિલ્મ TIGER 3 નું ટીઝર રીલીઝ થઈ ગયું છે. ઘણા સમયથી ફેન્સ આ ફિલ્મની રાહ જોઈ રહ્યા હતા.
Share
ટાઈગર 3 ફિલ્મનું ટીઝર રીલીઝ
એક્શનના ત્રિપલ ડોઝ સાથે તૈયાર સલમાન ખાન
ફિલ્મ જોવા માટે આતુર થયા ફેન્સ
Bollywood News: શાહરુખ ખાનની જવાન બાદ હવે લોકોને ડંકી ફિલ્મનો ઈંતેજાર છે ત્યાં બીજી તરફ સલમાન ખાનના ફેન્સ આતુરતાથી ટાઈગર 3 ની રાહ જોઈ રહ્યા હતા. જોકે આજે સલમાન ખાને પોતાની અપકમિંગ ફિલ્મનું ટીઝર રીલીઝ કર્યું છે, જે સોશ્યલ મીડિયામાં તેજીથી વાયરલ થઈ રહ્યું છે. દબંગ ખાને ફરીથી જોરદાર અંદાજમાં વાપસી કરી છીએ. ટીઝર વીડિયોને ટાઈગર કા મેસેજ નામ આપવામાં આવ્યું છે. \
આ ટીઝર વીડિયોમાં ટાઈગર 3 ફિલ્મની કહાનીને લઈને હિંટ આપવામાં આવ્યા છે. આ વખતે સલમાન ખાન એટલે કે ટાઈગરને પકડી લેવામાં આવ્યો છે. 20 વર્ષ સુધી દેશની સેવા કરી, આટલું જ નહીં ટાઈગરને હવે ગદ્દાર કહેવામાં આવી રહ્યો છે. એવામાં ટાઈગર ઈન્ડિયામાં કરેલા કામો અને દેશભક્તિના કેરેક્ટરને લઈને સર્ટિફિકેટ માંગી રહ્યો છે.
ઘણા લોકો કહી રહ્યા હતા કે ટીઝરમાં શાહરુખ ખાનની ઝલક જોવા મળશે પણ એવું થયું નથી. જો એક્શનની વાત કરીએ તો પહેલાંની બંને ફિલ્મો કરતાં આ ફિલ્મમાં એક્શનનો ત્રિપલ ડોઝ જોવા મળશે એવું લાગી રહ્યું છે. ટાઈગર ટીઝરમાં કહી રહ્યો છે કે મારા દીકરા હું નહીં, ઈન્ડિયા જ બતાવશે કે તેનો બાપ શું કરતો હતો. ગદ્દાર હતો કે પછી દેશભક્ત!
નોંધનીય છે કે ટાઈગર 3 ફિલ્મનું પોસ્ટર રીલીઝ થયું ત્યારે જ સાફ થઈ ગયું હતું કે આ ફિલ્મની કહાનીનું કનેક્શન બીજી ઘણી ફિલ્મો સાથે થશે. શાહરુખ ખાનની જવાન, ઋતિક રોશનની વોર અને ટાઈગર ઝિંદા હૈ ફિલ્મની કહાની સાથે આ ફિલ્મની કહાની જોડાયેલી છે. પઠાન ફિલ્મમાં સલમાન ખાને કેમિયો કર્યો હતો.
