- ટાઈગર 3ના મેકર્સને ઘણો મોટો ઝટકો
- જેના કારણે ફિલ્મની કમાણી પર થશે અસર
- ફિલ્મમાં શાહરૂખ ખાનનો કેમિયો રોલ
ફિલ્મ ટાઈગર 3 રિલીઝ થતા જ ફિલ્મ મેકર્સને ઘણો મોટો ઝટકો લાગ્યો છે. સલમાન ખાન, કેટરિના કેફ અને ઈમરાન હાશ્મીની ફિલ્મ ટાઈગર 3 લીક થઈ ગઈ છે. આ ફિલ્મ સોશિયલ મીડિયા પર વાયરલ થઈ ગઈ છે, જેના કારણે મેકર્સને પરેશાની થઈ શકે છે. ટોરન્ટો સાઈટ્સની સાથે સાથે અન્ય ચેટિંગ એપ્સ પર પણ ડાઉનલોડ લિંક શેર કરવામાં આવી રહી છે.
ટાઈગર 3 લીક
યશરાદ ફિલ્મ્સની સ્પાઈ યુનિવર્સની પાંચમી ફિલ્મ ‘ટાઈગર 3’ની કેટલીક ક્લિપ્સ સોશિયલ મીડિયા પર શેર કરવામાં આવી રહી છે. મીડિયા રિપોર્ટે અનુસાર ફિલ્મ ‘ટાઈગર 3’ ટોરન્ટો સાઈટ્સ અને ટેલીગ્રામ જેવી એપ પર શેર અને ડાઉનલોડ કરવામાં આવી રહી છે.
શાહરૂખ અને ઋતિકનો કેમિયો રોલ
સોશિયલ મીડિયા પર ફિલ્મ ‘ટાઈગર 3’ના ફોટોઝ અને વિડીયો વાયરલ થઈ રહ્યા છે. સલમાન ખાનની સાથે સાથે શાહરૂખ ખાન અને ઋતિક રોશનના કેમિયોને પણ કન્ફર્મ કરવામાં આવ્યો છે. શાહરૂખ ખાનની એન્ટ્રી પર ફેન્સ વાહવાહી લુંટાવી રહ્યા છે. ઋતિક રોશનના કેમિયો પરથી ફિલ્મ ‘વોર 2’ની હિંટ મળી રહી છે. આ ફિલ્મમાં સલમાન ખાનની સાથે સાથે કેટરિના કેફ અને ઈમરાન હાશ્મીના પણ વખાણ કરવામાં આવી રહ્યા છે.
યશરાજ ફિલ્મ સ્પાઈ યૂનિવર્સની અપકમિંગ ફિલ્મ
મનીષ શર્માએ ફિલ્મ ‘ટાઈગર 3’નું નિર્દેશન કર્યું છે. આ ફિલ્મમાં સલમાન ખાનની સાથે કેટરિના કેફ ઝોયાનું પાત્ર ભજવતી જોવા મળી રહી છે અને ઈમરાન હાશ્મી વિલનના રોલમાં છે. યશરાજ ફિલ્મ સ્પાઈ યૂનિવર્સની આ પાંચમી ફિલ્મ છે, ત્યાર પછી ફિલ્મ ‘વોર 2’ અને ફિલ્મ ‘ટાઈગર વર્સેસ’ પઠાન રિલીઝ થશે. આ ફિલ્મ બાબતે દર્શકોમાં ક્રેઝ જોવા મળી રહ્યો છે.
