બ્રેક / ફરી બંધ થશે કપિલ શર્મા શૉ: આ કારણોસર બ્રેક લેશે કોમેડિયન, જાણો ક્યારે થશે પેકઅપ

• ધ કપિલ શર્મા શોના દર્શકો માટે નિરાશાજનક સમાચાર
• 'ધ કપિલ શર્મા શો' ટૂંક સમયમાં બંધ થશે

લોકપ્રિય શો ધ કપિલ શર્મા શોના દર્શકો માટે નિરાશાજનક સમાચાર મળી રહ્યા છે. જેમાં 'ધ કપિલ શર્મા શો' બંધ થાય તેવું સામે આવી રહ્યું છે. પરંતુ આ શો માત્ર થોડા સમય પૂરતો બંધ કરવામા આવશે. વધુમાં સીઝનનો છેલ્લો એપિસોડ જૂનમાં શૂટ કરવામાં આવશે. ત્યારબાદ કપિલ શર્મા બ્રેક લેશે અને થોડા સમય પછી 'કપિલ શર્મા શો' ફરી પાછો ફરશે. મહત્વનું છે કે લોકપ્રિય ટીવી શો 'ધ કપિલ શર્મા શો' બોલિવૂડથી લઈને સાઉથ સુધીના મોટા સ્ટાર્સ કપિલ શર્મા સાથે જોડાયેલા છે.

કોમેડિયન કપિલ શર્મા લોકોને મનોરંજન પીરશી રહ્યા છે

'ધ કપિલ શો' પોતાના દર્શકોને વર્ષોથી મનોરંજન કરાવી રહ્યા છે. દર એપિસોડમાં અલગ અલગ થીમ પર કોમેડિયન કપિલ શર્મા લોકોને મનોરંજન પીરશી રહ્યા છે. જેમાં કપિલ શર્મા વચ્ચે સિઝનલ બ્રેક પણ લઈ રહ્યા છે.તેવામાં વધુ એક વખત આ શોની ટીમ વેકેશન પર જવાની હોવાથી આ શો આગામી સમયમાં બંધ થવા જઈ રહ્યો છે.

સિઝનનો છેલ્લો એપિસોડ ક્યારે આવશે

એક અખબારના અહેવાલ મુજબ કપિલ શર્મા હવે આરામ પર જવા માંગે છે. જેને લઈને આ શોને અસ્થાયી રૂપે બંધ કરવામાં આવશે. "શોની ટીઆરપીના સંદર્ભમાં દર વખતે સીઝનલ બ્રેક લગાવવામાં આવે છે. જે બ્રેક બાદ શોમાં તેઓ પાછા ફરશે. આ સિઝનનો છેલ્લો એપિસોડ ક્યારે આવશે? જેના જવાબમાં સૂત્રો પાસેથી જાણવા મળતી વિગત અનુસાર જેની હજુ કોઈ ખાસ તારીખ સામે આવી નથી પરંતુ મે મહિનાના અંત સુધીમાં તે શૂટિંગ પૂર્ણ કરી લેવામાં આવશે. એટલે કે જૂન સુધીમાં સિઝન પુરી થવાની ધારણા કરાઈ રહી છે. આંતરરાષ્ટ્રીય ટુર બાદ હાલમાં કપિલ શર્મા શોની નવી સીઝન ક્યારે આવશે તે જાણી શકાયું નથી.