ટેક ટિપ્સ / આ ભૂલોના લીધે લેપટોપ થાય છે Overheat? જાણો બચવાના ઉપાય

લેપટોપ આજે વર્ક, સ્ટડી અને મનોરંજનનો એક હિસ્સો બની ગયા છે. પણ અનેક લોકો તેમાં ઓવરહિટીંગની સમસ્યાનો સામનો કરે છે. જ્યારે કોઈ ડિવાઈસ વારંવાર ગરમ થાય છે ત્યારે તેના પર્ફોમન્સ પર અસર થાય છે, બેટરી ઝડપથી ખતમ થઈ શકે છે અને હાર્ડવેરને પણ નુકસાન થઈ શકે છે. ઘણીવાર આ કોઈ ટેકનિકલ સમસ્યાને કારણે નથી પરંતુ રોજિંદા આદતોને કારણે છે. ચાલો એવી પાંચ ભૂલો વિષે જાણીએ જે લેપટોપને નુકસાન પહોંચાડી શકે છે.

• પલંગ કે ઓશિકા પર લેપટોપનો ઉપયોગ

ઘણા લોકો પલંગ, સોફા કે ઓશિકા પર આરામથી બેસીને તેમના લેપટોપનો ઉપયોગ કરે છે. આ નીચેના હવાના વેન્ટ્સને અવરોધે છે, ગરમ હવાને બહાર નીકળતી અટકાવે છે. આ સીધી ઠંડક પ્રણાલી પર અસર કરે છે અને લેપટોપ વધુ ગરમ થવાનું કારણ બને છે. આથી હંમેશા સપાટ, સખત સપાટી પર લેપટોપનો ઉપયોગ કરવો બેસ્ટ છે.

• સતત ઉપયોગ

જો તમે તમારા લેપટોપ પર કલાકો સુધી રેસ્ટ વગર કામ કરો છો, ગેમ રમો છો કે વિડિયો એડિટ કરો છો તો પ્રોસેસર અને ગ્રાફિક્સ ચિપ સતત તણાવમાં રહે છે. જેના કારણે તાપમાન વધે છે. લાંબા સમય સુધી ઉપયોગ દરમિયાન થોડી મિનિટોનો વિરામ લેવો અને સિસ્ટમને ઠંડુ થવા દેવાનું ફાયદાકારક મનાય છે.

• ધૂળ સાફ કરવાની અવગણના

સમય જતા લેપટોપના પંખા અને વેન્ટ્સમાં ધૂળ જમા થાય છે. આ ધૂળ હવાના પ્રવાહને અવરોધે છે, જે કૂલિંગ સિસ્ટમને યોગ્ય રીતે કાર્ય કરતા અટકાવે છે. પરિણામે લેપટોપ વધુ ગરમ થાય છે. આથી લેપટોપને સાફ કરવું કે એર વેન્ટ્સને દર થોડા મહિને સાફ કરવું જરૂરી છે.

• વધુ પડતી એપ્સ અને પ્રોગ્રામ્સ ચલાવવી

ઘણા લોકો એકસાથે ડઝનેક ટેબ, સોફ્ટવેર અને બેકગ્રાઉન્ડ એપ્સ ચલાવે છે. તેનાથી RAM અને પ્રોસેસર પર વધારાનો ભાર પડે છે. જેના લીધે સિસ્ટમ વધુ ગરમ થઈ શકે છે. બિનજરૂરી એપ્સ બંધ કરવી અને બેકગ્રાઉન્ડમાં ચાલતા બિનજરૂરી પ્રોગ્રામ્સને દૂર કરવા બેસ્ટ છે.

• ચાર્જ કરતી વખતે હેવી ટાસ્ક

ચાર્જ કરતી વખતે હાઇ-ગ્રાફિક્સ ગેમ્સ રમવા, વિડિયો રેન્ડર કરવા જે બીજા હેવી ટાસ્ક કરવાથી લેપટોપનું તાપમાન ઝડપથી વધી શકે છે. ચાર્જિંગ દરમિયાન બેટરી પણ ગરમી ઉત્પન્ન કરે છે અને તેના પરનો વધારાનો ભાર લેપટોપને વધુ ગરમ કરે છે. આવા કાર્યો કરતી વખતે યોગ્ય વેન્ટિલેશન અને ઠંડક સુનિશ્ચિત કરવી જોઈએ.

વધુ વાંચો : Google Mapsનું આ છુપાયેલું ફીચર બચાવી શકે છે પેટ્રોલ-ડીઝલનો ખર્ચ, જાણી લેજો

• લેપટોપની લાઈફ આ રીતે વધારવી

તમારા લેપટોપનો ઉપયોગ ઠંડા અને સારી રીતે વેન્ટિલેટેડ વિસ્તારમાં કરો, નિયમિતપણે સોફ્ટવેર અપડેટ કરો, ધૂળ સાફ કરો અને જરૂર પડ્યે કૂલિંગ પેડનો ઉપયોગ કરો. તમારી આદતોમાં નાના ફેરફારો કરીને તમે માત્ર ઓવરહિટીંગ ઘટાડી શકતા નથી પરંતુ તમારા લેપટોપના પર્ફોમન્સ અને લાઈફમાં પણ વધારો કરી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ