નેશનલ / ''પે**સ એકદમ સ્ટ્રોંગ હો ગયા હૈ...'', મહિલા મુસાફર સાથે ઓટો ડ્રાઇવરની અશ્લીલ હરકત

સોશિયલ મીડિયા પર એક મહિલા મુસાફર અને ઓટો ડ્રાઇવર સાથે જોડાયેલો વીડિયો વાયરલ થઈ રહ્યો છે. વીડિયોને લઈને લોકોમાં ભારે નારાજગી જોવા મળી રહી છે અને મહિલાઓની સુરક્ષાને લઈને ફરી એકવાર ચર્ચા શરૂ થઈ છે.મળતી માહિતી મુજબ, એક મહિલાએ પોતાની ઇન્સ્ટાગ્રામ સ્ટોરીમાં એક વીડિયો શેર કર્યો હતો. આ વીડિયોમાં દાવો કરવામાં આવ્યો છે કે ઓટો ડ્રાઇવરે મહિલા મુસાફર સાથે ખરાબ કોમેન્ટ પાસ કરી હતી. બાદમાં આ વીડિયો સોશિયલ મીડિયા પ્લેટફોર્મ X પર શેર કરવામાં આવ્યો, જ્યાં તે ઝડપથી વાયરલ થઈ ગયો.

વીડિયો સામે આવ્યા બાદ હજારો લોકોએ આ ઘટનાની નિંદા કરી હતી. અનેક યુઝર્સે ડ્રાઇવરના વર્તનને શરમજનક ગણાવી તેની સામે કડક કાર્યવાહી કરવાની માંગ કરી હતી. કેટલાક લોકોએ કહ્યું કે જાહેર પરિવહનમાં મહિલાઓને આવી પરિસ્થિતિનો સામનો કરવો પડે તે ખૂબ ચિંતાજનક બાબત છે.

સોશિયલ મીડિયા પર લોકોનો ગુસ્સો

વીડિયો વાયરલ થયા પછી સોશિયલ મીડિયા પર લોકોનો રોષ સ્પષ્ટ જોવા મળ્યો હતો. ઘણા યુઝર્સે લખ્યું કે મહિલાઓએ જાહેર સ્થળોએ અને મુસાફરી દરમિયાન સુરક્ષિત અનુભવ કરવો જોઈએ. કેટલાક લોકોએ એવી પણ ચિંતા વ્યક્ત કરી કે આવી ઘટનાઓ મહિલાઓના આત્મવિશ્વાસ અને સુરક્ષાની ભાવનાને અસર કરે છે.એક યુઝરે લખ્યું કે આવી હરકતોને સામાન્ય ઘટના માનીને અવગણવી ન જોઈએ અને જવાબદાર વ્યક્તિ સામે કડક કાર્યવાહી થવી જોઈએ.

આ પણ વાંચોઃ ''હું ઠાકુર છું...'' બોલનારી મહિલા બેંક કર્મી સાથે બેડ ટચ! વીડિયો શેર કરીને જણાવી આપવીતિ

મુંબઈ પોલીસ હરકતમાં આવી

મામલો ચર્ચામાં આવતા મુંબઈ પોલીસે પણ સોશિયલ મીડિયા પર પ્રતિક્રિયા આપી હતી. પોલીસે વીડિયો શેર કરનાર વ્યક્તિનો સંપર્ક કરવાનો પ્રયાસ કર્યો અને ઘટનાથી સંબંધિત વધુ માહિતી માગી હતી.

પોલીસે જણાવ્યું હતું કે ફરિયાદ સંબંધિત વિગતો મળ્યા બાદ મામલાની તપાસ કરવામાં આવશે. જોકે હાલ સુધી આ કેસમાં આગળ શું કાર્યવાહી કરવામાં આવી છે અથવા તપાસ ક્યાં સુધી પહોંચી છે તે અંગે કોઈ સત્તાવાર માહિતી જાહેર કરવામાં આવી નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ