દુઃખદ / અંબાજીમાં તળાવમાં ડૂબી જવાથી 3 બાળકોના કરુણ મોત, બે સગા ભાઈઓ પણ સામેલ

અંબાજી તાલુકામાં શનિવારે દુઃખદ ઘટના સામે આવી છે. રિછડી ગામના તળાવમાં ન્હાવા ગયેલા ત્રણ બાળકોના ડૂબી જવાથી મોત નિપજ્યા હોવાનું જાણવા મળ્યું છે. ઘટનાથી સમગ્ર વિસ્તારમાં શોકની લાગણી પ્રસરી ગઈ છે.

બાળકો રિછડી તળાવમાં ન્હાવા માટે ઉતર્યા

મળતી માહિતી મુજબ, ત્રણેય બાળકો રિછડી તળાવમાં ન્હાવા માટે ઉતર્યા હતા. દરમિયાન તળાવ ઊંડું હોવાને કારણે તેઓ પાણીમાં ડૂબી ગયા હતા. બાળકો લાંબા સમય સુધી બહાર ન આવતા સ્થાનિક લોકોને શંકા જતાં શોધખોળ શરૂ કરવામાં આવી હતી.

View this post on Instagram

A post shared by Sambhaav Nascent LLP (@vtv_gujarati_news)

ત્રણેય બાળકોના મૃતદેહોને બહાર કાઢ્યા

ઘટનાની જાણ થતાં સ્થાનિક તરવૈયાઓ તાત્કાલિક સ્થળ પર પહોંચ્યા હતા અને ભારે જહેમત બાદ ત્રણેય બાળકોના મૃતદેહોને તળાવમાંથી બહાર કાઢવામાં આવ્યા હતા. બાદમાં પોલીસ અને સ્થાનિક તંત્ર પણ ઘટનાસ્થળે દોડી આવ્યું હતું.

આ પણ વાંચોઃ અધિકારીઓના ડ્રેસમાં આવેલા લોકોએ કર્યું ડિમોલિશન, સ્થાનિકોમાં ભારે ગૂંચવણ

મૃતકોમાં બે બાળકો સગા ભાઈઓ

મૃતક બાળકોની ઉંમર 10 વર્ષથી ઓછી હોવાનું જાણવા મળ્યું છે. વધુમાં, મૃતકોમાં બે બાળકો સગા ભાઈઓ હોવાનું પણ સામે આવ્યું છે, જેના કારણે પરિવાર પર આભ ફાટી પડ્યું હોય તેવી સ્થિતિ સર્જાઈ છે.આ કરુણ ઘટનાથી ગામમાં શોકનું મોજું ફરી વળ્યું છે. પોલીસે અકસ્માત મોતનો ગુનો નોંધી આગળની કાર્યવાહી હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ