- સોશિયલ મીડિયાનું પ્લેટફોર્મ ટ્વીટર ફરી એકવાર થયું ડાઉન
- સાત દિવસમાં બીજી વખત ટ્વીટર થયું ડાઉન
- સોશિયલ મીડિયામાં ટ્વીટર ડાઉન થવાને લઇને ચર્ચા
સોશિયલ મીડિયાનું પ્લેટફોર્મ ટ્વીટર ફરી એકવાર ડાઉન થયું છે. સાત દિવસમાં બીજી વખત ટ્વીટરમાં આવો પ્રોબ્લેમ આવ્યો છે. સોશિયલ મીડિયામાં ટ્વીટર ડાઉન થવાને લઇને ચર્ચા થઈ રહી છે. કારણ કે ટ્વીટરના ઉપયોગ કરવાને લઇને ભારે મુસીબત આવી રહી છે. એકવાર ફરી ટ્વિટર યુઝર્સ વેબસાઇટ અને એપ પર નવા ટ્વિટ કરી શકતા નથી. કેટલાક યુઝર્સ માટે ટ્વિટર પુરી રીતે બંધ થઇ ગયું છે અને તેઓ પોતાના ટ્વિટ જોઇ શકતા નથી. એપ ખોલતાની સાથે ડેશબોર્ડ “Something went wrong. Try reloading”નો મેસેજ આવી રહ્યો છે.
ટ્વીટર ડાઉન થવા પર ટ્વીટરે કરી સ્પષ્ટતા
ભારત અને અમેરિકા સહિત દુનિયામાં એક કલાક સુધી ટ્વીટર ડાઉન રહ્યું હતું. જે બાદ ટ્વિટર દ્વારા ખુલાસો કરવામાં આવ્યો હતો કે ટાઇમલાઇનના લોડ થવા અને ટ્વીટને પોસ્ટ થવા રોકનારી બગને ઠીક કરવામાં આવી માંટે યુઝર્સને તકલીફ પડી. મહત્વનું છે કે ટ્વીટરનો સરળતાથી ઉપયોગ થઈ રહ્યો નથી તેમજ નવા ટ્વીટ સરળતાથી મળી પણ રહ્યા નથી જેથી બગને ઠીક કરી હાલ સોલ્યુશન લાવી દેવામાં આવ્યું છે. પણ સાત દિવસમાં બીજી વખત ટ્વીટર ડાઉન થતાં લોકોમાં ચર્ચાનો વિષય જરૂર બન્યું છે.
હાલમાં જ ટ્વિટરે એક નવું ડાઉનવોટ બટન રજૂ કર્યું છે તેના પર ક્લિક કરવાથી નારંગી થઈ જાય છે. ટ્વિટરે વૈશ્વિક સ્તરે ડાઉનવોટ સુવિધાને રોલ આઉટ કરવાનું શરૂ કર્યું છે તેથી તે હવે દરેકને દેખાશે. આ સુવિધા પહેલા વપરાશકર્તાઓના પસંદગીના જૂથ માટે ઉપલબ્ધ હતી અને હવે વૈશ્વિક કરવામાં આવી છે. આથી ટ્વીટનું કહેવું છે કે અત્યાર સુધી આ પ્રાયોગિક સુવિધાને સારો પ્રતિસાદ મળ્યો છે અને લોકો અહિયાં જે પ્લેટફોર્મ પર જે કન્ટેન્ટ જોવા માંગે છે તે સમજવામાં કંપનીને મદદ કરી છે. ટ્વિટરે સૌપ્રથમ 2021 માં વેબ વપરાશકર્તાઓ સાથે ડાઉનવોટ ટ્રાયલ શરૂ કર્યું હતું અને માઇક્રોબ્લોગિંગ સાઇટ હવે તેને iOS અને Android વપરાશકર્તાઓ માટે પણ રોલ આઉટ કરવાની યોજના પર કામ ચાલુ કરી દીધું છે.
