- રોપ-વે આડે તમામ અવરોધો દૂર
- ગુજરાત હાઈકોર્ટે કામ રોકવાની મનાઈ કરી
- રોપ-વેનું કામ બંધ કરાવવા થઈ હતી અરજી
ચોટીલા ચામુંડા માતાજીના મંદિરે જવા માટે ચોટીલા ડુંગર પર રોપ-વેની કામગીરીનો માર્ગ મોકળો થઈ ગયો છે. આજે ગુજરાત હાઈકોર્ટે અરજદારની તમામ માંગણીઓ ફગાવી દીધી છે. મહત્વનું છે કે અરજદારે અરજીમાં રોપ-વેની કામગીરી પર રોક લગાવવાની માંગ કરી હતી.
ટેક્નોલોજીને લઈને ઉભો થયો હતો વિવાદ
ચોટીલા ડુંગર પર રોપ-વેને લગાવવા માટેની ચર્ચા ચાલી રહી છે. આ અંગે કેબિનેટ દ્વારા પ્રસ્તાવિત મંજૂરી પણ આપી દેવાઈ હતી. જોકે, રોપ-વેની ટેક્નોલોજીને લઈને વિવાદ ઉભો થયો હતો. જે બાદ આ મામલો ગુજરાત હાઈકોર્ટમાં પહોંચ્યો હતો. એક અરજદારે આઉટડેટેડ ટેક્નોલોજીવાળા રોપ-વેની મંજૂરી સામે સવાલ ઉઠાવ્યા હતા.
હાઈકોર્ટે ફગાવી દીધી અરજી
અરજીમાં જણાવાયું હતું કે, જો આઉટડેટેડ ટેક્નોલોજીવાળા રોપ-વે હશે તો મોરબી જેવી દુર્ઘટના પણ બની શકે છે. રોપ-વેનું કામ જેને સોંપવામાં આવ્યું છે તેને આ પ્રકારનો કોઈ અનુભવ જ નથી. જોકે, હવે હાઈકોર્ટે આ અરજીને દીધી છે.
રોપ-વેનું કામ ક્યાં પહોંચ્યું?
- ચોટીલા રોપ-વેને રૂપાણી જ્યારે મુખ્યમંત્રી હતા ત્યારે મંજૂરી મળી
- એ વખતે બિન અનુભવી કંપનીને કોન્ટ્રાક્ટ મળતા પ્રોજેક્ટ અટવાયો
- હવે ડિસેમ્બર 2023માં ચોટીલા રોપ-વે શરૂ કરવાનું આયોજન છે
- હાલ આબુની એક કંપની રોપ-વેનું નિર્માણ કરી રહી છે
- શ્રી ચામુંડા માતાજી ટ્રસ્ટે રોપ-વે બનાવતી કંપની સામે અરજી કરી હતી
- ટ્રસ્ટનો આરોપ હતો કે કંપનીને અનુભવ નથી અને તેને કોન્ટ્રાક્ટ અપાયો છે
- સરકારે ટેન્ડર પ્રક્રિયા વિના કંપનીને કોન્ટ્રાક્ટ અપાયો છે
- ચામુંડા માતાજી ટ્રસ્ટે રોપ-વે કંપની પર યોગ્ય કામ નહી કરવાનો આરોપ કર્યો હતો
- 2021માં ટ્રસ્ટે કંપની વિરુદ્ધ અરજી કરી હતી હવે હાઈકોર્ટે અરજીને ફગાવી છે
- ટ્રસ્ટનો આરોપ હતો કે મોરબી જેવી દુર્ઘટના ઘટે તો જવાબદાર કોણ?
