કાર્યવાહી / પેકેટો પર છાપેલી કિંમતથી વધુ રકમ લેનારાઓને હવે સરકાર નહીં છોડે, છેલ્લાં 2 વર્ષમાં 99 વેપારીઓને દંડ"

Weight & Measure Department : વિવિધ પેકેટો પર છપાયેલી કીંમત કરતા વધુ નાણા પડાવનારા વેપારીઓ સામે સરકારે લાલ આંખ કરી છે. વધુ રકમ લેનારા વેપારીઓને છોડવામાં નહી આવે અને નિયમો મુજબ તેમની સામે દંડાત્મક કાર્યવાહી કરાશે. અમદાવાદ શહેર અને જિલ્લામાં તોલમાપ તંત્ર દ્વારા જેટલા વ્યાપારી એકમોએ પેકેટ પર છાપેલી કિંમત કરતા વધુ કિંમત વસૂલાતી હોય તેવા તમામ એકમો સામે કડક કાર્યવાહી કરવામાં આવી છે.  

તોલમાપ તંત્ર દ્વારા તા. 31-12-2023ની સ્થિતીએ કુલ 99 એકમો સામે કાર્યવાહી કરવામાં આવી છે. જેમાં વર્ષ 2022 માં 63 તથા વર્ષ 2023માં 36 એકમો સામે કાર્યવાહી કરવામાં આવી છે તેમ વિધાનસભા ગૃહમાં ધારાસભ્ય દ્વારા પૂછાયેલા પ્રશ્નના જવાબમાં અન્ન અને નાગરીક પુરવઠા મંત્રી કુંવરજી બાવળીયાએ જણાવ્યું હતું.

વધુ વાંચો: SAGમાં ગેરરીતિ મામલે મોટી કાર્યવાહી: એકસાથે 13 કોચ, 15 ટ્રેનર્સને કાઢી મૂકાયા, જાણો 5 મુખ્ય કારણ

આ 99 વ્યાપારી એકમો સામે છેલ્લા 2 વર્ષમાં કુલ રૂ.2,62,000 માંડવાળ ફી વસુલવામાં આવી છે. જેમાં વર્ષ 2022માં રૂ.1,49,000 જ્યારે વર્ષ 2023માં રૂ.1,13,000 જેટલી માંડવાળ ફી વસુલ કરવામાં આવી છે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો