ફ્રોડ / તમે ATMનો ઉપયોગ કરો છો સાવચેત રહેજો, એક નવી ટેકનિકથી લોકો સાથે છેતરપિંડી, આ રીતે બચી શકાય

જો તમે ATMમાંથી પૈસા ઉપાડી રહ્યા છો અને તમારું કાર્ડ ATM મશીનમાં ફસાઈ જાય, તો તમારે તરત જ સાવધાન થઈ જવાની જરૂર છે. કારણ કે તમારી એક ભૂલ અને તમારી સાથે એક મોટી છેતરપીંડી થવાનું કારણ બની શકે છે.

તાજેતરમાં સામે આવેલા અહેવાલમાં એ વાતનો ખુલાસો થયો છે કે છેતરપિંડી કરનારાઓ હવે એક નવી રીતે ATM કૌભાંડ કરી રહ્યા છે. આ કૌભાંડમાં છેતરપીંડી કરનાર એટીએમમાંથી કાર્ડ રીડર કાઢી નાખે છે, જેના કારણે ગ્રાહક જ્યારે તેનો ઉપયોગ કરવાનો પ્રયાસ કરે છે ત્યારે તેનું કાર્ડ મશીનની અંદર ફસાઈ જાય છે. એકવાર આવું થાય પછી, છેતરપિંડી કરનારાઓ ગ્રાહકને તેમનો પિન એન્ટર કરીને મદદ કરવાની ઓફર કરે છે. જ્યારે પિન કામ કરતું નથી, ત્યારે તેઓ પીડિતને બેંકમાં ફરિયાદ કરવા કહે છે.

તકની રાહ જોતા હોય છે સ્કેમ કરનારાઓ

ગ્રાહકનાં ગયા પછી, છેતરપિંડી કરનારાઓ મશીનમાંથી કાર્ડ કાઢી લે છે અને પીડિતના ખાતામાંથી પૈસા ઉપાડી લે છે. ખાસ કરીને આ કૌભાંડ ખતરનાક છે, કારણ કે આવું થયા પછી પીડિતમાં અજાણ્યા લોકો પર વિશ્વાસ કરવા અને મુશ્કેલ પરિસ્થિતિમાં કોઈની મદદ સ્વીકારવાની તેમની ઇચ્છાને નબળી કરી નાખે છે. એટીએમ યુઝર્સ માટે સતર્ક રહેવું અને કોઈપણ શંકાસ્પદ પ્રવૃત્તિની જાણ તેમની બેંકને તાત્કાલિક કરવી મહત્ત્વપૂર્ણ છે.

માર્કેટમાં આવી છે નવી ટેકનીક

સ્કેમ કરનારાઓએ એટીએમ મશીનનો ઉપયોગ કરીને લોકોને છેતરવા માટે એક નવી ટેકનિક વિકસાવી છે. અહેવાલ મુજબ, તેઓ મશીનમાંથી કાર્ડ રીડર કાઢી નાખે છે, જેના કારણે ગ્રાહકનું કાર્ડ અંદર ફસાઈ જાય છે. સ્કેમર્સ પિન નંબર માંગીને મદદ ઓફર કરે છે અને પછી તેને અસફળ રીતે દાખલ કરવાનો ડોળ કરે છે. ત્યારબાદ તેઓ ગ્રાહકનાં ફરિયાદ નોંધાવવાની અને એટીએમથી દૂર જવાની તકનો લાભ લે છે. ગ્રાહક ગયા પછી, સ્કેમર્સ કાર્ડ કાઢી લે છે અને તેનો ઉપયોગ કરીને પૈસા કાઢી લે છે.

વધુ વાંચો: ના હોય! વૉટર આઇડી કાર્ડ વિના પણ મતદાન કરી શકાય? હા, તો કઈ રીતે?

આ 7 રીતો કરશે તમારી સુરક્ષા

• જ્યારે પણ તમે ATMમાંથી પૈસા ઉપાડવા જાવ તો લોકેશનનું ખાસ ધ્યાન રાખો.
• ધ્યાન રાખો કે પૈસા ઉપાડતી વખતે એટીએમની અંદર બીજું કોઈ ન હોવું જોઈએ.
• એટીએમ પિન દાખલ કરતી વખતે તેને કવર કરો. જેથી કોઈ તેને જોઈ ન શકે.
• કોઈપણ ટ્રાન્ઝેક્શન કરતી વખતે કોઈ અજાણી વ્યક્તિની મદદ ન લો.
• પૈસા ઉપાડ્યા પછી, તમારા મોબાઇલમાંથી સ્ટેટમેન્ટ ચોક્કસપણે તપાસો.
• જો તમને લાગે છે કે કોઈ કૌભાંડનો શિકાર બનવાની સંભાવના છે.
• કોઈપણ ઘટના બને તો સાયબર ટીમને જાણ કરો અને ફરિયાદ નોંધાવો.