નેશનલ હાઈવે ઓથોરિટી ઓફ ઈન્ડિયા એક એવી ટેકનીક લઈને આવી રહ્યુ છે જેના કારણે તુટેલો રોડ પોતાની જાતે જ ખૂદને રીપેર કરી નાખશે. તેના કારણે ક્રાંતિકારી પરિવર્તન આવી શકે છે. દેશના રસ્તાઓ પર વારંવાર પડતા ખાડાની સમસ્યાને પહોંચી વળવા NHAI સેલ્ફ હીલિંગ ટેકનીકનો ઉપયોગ કરવાનું વિચારી રહ્યુ છે.
એક્સિડેન્ટના કિસ્સા પણ ઘટશે
ભારતમાં દર વર્ષે રોડ એક્સિડેન્ટના કારણે હજારો લોકોના મોત થાય છે. તેની પાછળ ખરાબ રોડ હોવાનું પણ મુખ્ય કારણ માનવામાં આવે છે. 2021માં ખાડાના કારણે 3625 રોડ એક્સિડેન્ટ થયા હતા જે વધીને 2022માં 4446 થયા હતા, તેમાં મોતની સંખ્યા 1800 કરતા વધુ હતી. ત્યારે રોડના સમારકામની કામગીરી હાથ ધરવામાં આવે છે. પરંતુ તેમા લાંબો સમય નિકળી જાય છે. પરંતુ હવે NHAI એવી ટેકનીક લાવ્યુ છે જેમાં રોડ તુટશે તો ઓટોમેટીક રીપેર થઈ જશે.
ખાડા પુરાઈ જશે
આ મામલે NHAIના એક વરિષ્ઠ અધિકારીએ જણાવ્યુ કે, રોડ બનાવતી વખતે આ ટેકનીકનો ઉપયોગ કરવાથી ખાડા પડતા બચાવી શકાશે. આ ટેકનીકના કારણે રોડમાં ખાડા જલ્દી નહીં પડે. જો નાના મોટા ખાડા પડશે તો તે ખૂદ રીપેર થઈ જશે.
વાંચવા જેવું: તમે ATMનો ઉપયોગ કરો છો સાવચેત રહેજો, એક નવી ટેકનિકથી લોકો સાથે છેતરપિંડી, આ રીતે બચી શકાય
આવી રીતે ટેકનીક કરશે કામ
અધિકારીનું કહેવુ છે કે, રોડ જલ્દી ખરાબ ન થવાના કારણે અત્યારે જે રીપેરનો ખર્ચો આવે છે તે પણ નહીં આવે. આ સિવાય રીપેરીંગ વખતે જે ટ્રાફિક ડાયવર્ટ કરવો પડે છે તે સમસ્યા પણ નહીં રહે. રોડ બનાવતી વખતે સ્ટીલના પાતળા રેશા નાખવામાં આવશે જે બિટુમિન તરીકે ઓળખાય છે તે એક પ્રકારનું ડામર હોય છે. રોડમાં જેવુ પણ તોડફોડ થશે ત્યારે બિટુમિન ગરમ થઈને ફેલાઈ જશે અને તે ફરી કોંક્રીટની સાથે ભળીને સ્ટીલના રેશાને જોડી દેશે. તેના કારણે રોડમાં ખાડા નહીં પડે.
