ગુજરાતમાં ભેળસેળીયા વેપારીઓ સામે રાજ્ય સરકાર દ્વારા કડક પગલા ભરવાની સૂચના આપી છે. જેને લઈ કેબિનેટ બેઠકમાં ખાદ્ય પદાર્થમાં ભેળસેળ કરનાર કર્મચારીઓ પર ફ્રૂડ વિભાગ હવે માત્ર તહેવારોમાં નહીં પણ સામાન્ય દિવસોમાં પણ દરોડા પાડશે.
રાજ્ય સરકાર દ્વારા ભેળસેળીયા વેપારીઓ સામે કડક કાર્યવાહી કરવાનો નિર્ણય કર્યો છે. કેબિનેટની બેઠકમાં ખાદ્ય પદાર્થમાં ભેળસેળનો મુદ્દો ચર્યાયો હતો. માત્ર તહેવારો નહીં સામાન્ય દિવસોમાં પણ દરોડા પડશે. ફ્રૂડ ચકાસણી બાદ ટૂંકા સમયમાં રિપોર્ટ આવે તેવી મુખ્યમંત્રી દ્વારા સૂચનાં પણ આપવામાં આવી હતી. બિનઆરોગ્યપ્રદ ખોરાક માટે મુહીમ ચલાવવાની સૂચના આપી છે. ગ્રાહકોનાં આરોગ્ય સાથે ચેડા કરનારા વેપારીઓ હવે દંડાશે.
ફ્રૂડ વિભાગ દ્વારા ચેકીંગ (ફાઈલ ફોટો)
ફૂડ ચકાસણી બાદ ટૂંકા સમયમાં રિપોર્ટ આવે તે અંગે CMની સૂચના
આ બાબતે સરકારનાં પ્રવક્તા ઋષિકેશ પટેલે જણાવ્યું હતું કે, લોકોનાં આરોગ્ય સાથે ચેડા ન થાય. અને વેપારીઓ વધારે નફાની લાલચમાં બનાવટી, મિલાવટી ખાદ્ય પદાર્થોની મિલાવટ સાથેની મીઠાઈઓ કે ફરસાણ ન બનાવે તેની કાળજી લેતા હોય છે. વર્ષ દરમ્યાન આ પ્રક્રિયા સતત ચાલતી હોય છે. ત્યારે તહેવાર દરમ્યાન જ કરવામાં આવતું ચેકીંગ હવે સતત વર્ષ દરમ્યાન ચાલતી રાખવી તેવું મુખ્યમંત્રીએ કહ્યું હતું. તેમજ ફ્રૂડ એન્ડ ડ્રગ્સ વિભાગ દ્વારા જેટલી પણ મશીનરી, સાધનો છે. તેનો ઉપયોગ કરી ચકાસણી થાય. અને ચકાસણી થયા બાદ ખૂબ ટૂંકા ગાળામાં એનાં પરીક્ષણો પણ આવી જાય. અને તે પરીક્ષણો આપ્યા પછી તે નમૂનાઓનું રિઝલ્ટ મળ્યા પછી ઝડપથી કાર્યવાહી કરી દંડ તેમજ જે કંઈ પણ સજાની જોગવાઈઓ છે. તેનો અમલ તુરંત થાય એ બાબતની એમને સૂચના આપી છે.
