પ્રતિબંધ / PUBG હવે ક્યાં સુધી તમારા મોબાઈલમાં રમી શકશો, અગાઉથી ડાઉનલોડ કર્યુ હશે તેનું શું?

હાલમાં તો PUBG મોબાઈલમાં ચાલી રહી છે અને લોકો હજુ રમી શકે છે અને તે હજી પણ ડાઉનલોડ કરવામાં આવી રહી છે. હાલમાં આ લખાય છે ત્યાં સુધી Google Play Store અને Apple એપ સ્ટોર પર પણ ઉપલબ્ધ છે.

પ્લેસ્ટોર પરથી ક્યારે દૂર થશે?

પરંતુ થોડા સમય પછી એટલે કે આવતીકાલ સુધી, Apple અને ગૂગલ તેને દૂર કરી શકે છે. જોકે તે પ્લે સ્ટોર અને એપ સ્ટોર પરથી દૂર થયા પછી પણ મોબાઇલમાં કામ કરવાનું ચાલુ રાખશે. પરંતુ સરકાર ઇચ્છે તો.

પ્લેસ્ટોર પરથી રિમૂવ કર્યા બાદ PUBG મોબાઈલમાં ચાલશે?

ઍપ સ્ટોરમાંથી આ PUBGને દૂર કરી દેવાય છે પરંતુ જો ઍપ તમારા મોબાઈલમાં પહેલેથી જ ડાઉનલોડ છે તો શું તે રમી શકાશે?  તો તેનો જવાબ છે કે જો સરકાર ટેલિકોમ અને ઇન્ટરનેટ સેવા પ્રોવાઈડર્સને માર્ગદર્શિકા જાહેર કરીને એપ્લિકેશનને પ્રતિબંધ કરવાનું કહે છે તો પછી તમે PUBG મોબાઇલમાં રમી શકશો નહીં.

ઉલ્લેખનીય છે કે અગાઉ Tik Tok સહિત કેટલીક ઍપ્સ સાથે પણ આ પ્રકારનો જ પ્રતિબંધ મૂકાયો હતો. ત્યારે માનવામાં આવે છે કે Tik Tokની જેમ PUBG માટે પણ ઈન્ટરનેટ સર્વિસ પ્રોવાઈડર્સને પ્રતિબંધ કરવાનો આદેશ આપવામાં આવશે.