મુંબઈમાં આતંકી હુમલાને લઈ કોંગ્રેસ નેતા વિજય વડેત્તિવારે મહત્વનો દાવો કર્યો હતો. મહારાષ્ટ્ર વિધાનસભામાં વિપક્ષનાં નેતા વડેત્તિવારે શનિવારે કહ્યું હતું કે આઈપીએસ અધિકારી હેમંત કરકરેનું મૃત્યું અજમલ કસાબ કે કોઈ આતંકવાદીની ગોળીથી નહી. પરંતું એક પોલીસ અધિકારીની ગોળીથી થયું હતું. જે આરએસએસ સાથે જોડાયેલ હતો. તેમણે ભાજપનાં ઉમેદવાર તેમજ વકીલ ઉજ્જવલ નિકમ પર આરોય લગાવ્યો છે કે તેમણે ગદ્દારી કરી અને આ સચ્ચાઈને છુપાવી લીધી હતી. તમને જણાવી દઈએ કે ઉજ્જવલ આ મામલે સરકારી વકીલ હતા.
તપાસ દરમ્યાન ઘણી મોટી જાણકારી પણ સામે આવી હતીઃ વિજય વડેત્તિવાર
વડેત્તિવારે કહ્યું કે, તપાસ દરમ્યાન કેટલીક મોટી જાણકારી પણ સામે આવી હતી. તો પણ ઉજ્જવલ નિકમે તેને છુપાવી હતી. મારો સવાલ એ છે કે હવે ભાજપા આખરે આવા દગાખોરોને લોકસભા ચૂંટણીમાં કેમ ઉતારી રહી છે? આવું કરીને ભાજપ એક ગદ્દારને બચાવી રહી છે. વડેત્તિવારનાં આ નિવેદનનો નિકમ તેમજ ઉપમુખ્યમંત્રી દેવેન્દ્ર ફડણવીસે પણ જવાબ આપ્યો છે.
લોકો મતનાં ફાયદા માટે આટલી હદ સુધી જઈ શકે છેઃ ઉજ્જવલ નિકમ
દેવેન્દ્ર ફડણવીસે કહ્યું કે વડેત્તિવારનું નિવેદન કોઈ પણ આધાર પુરાવા વગરનું છે. એમણે કહ્યું કે કોંગ્રેસ કસાબની સમર્થક રહી છે. ત્યાં જ નિકમે કહ્યું કે આ રીતનાં પાયા વગરનાં આરોપોથી અમને ખૂબ જ દુઃખ થાય છે. મને ખબર ન હતી કે લોકો મતનાં ફાયદા માટે આટલી હદ સુધી નીચા જઈ શકે છે. વડેત્તિવારે માત્ર મારૂ અપમાન નથી કર્યું. પરંતું 26/11 નાં હુમલામાં જે 166 લોકોએ પોતાનો જીવ ગુમાવ્યો તે તમામ લોકોનું અપમાન કર્યું છે.
NIAએ વડેત્તિવારની ધરપકડ કરવી જોઈએઃ કિરન પાવસ્કરે (પ્રવક્તા, શિવસેના)
તેમણે આગળ કહ્યું કે, કોંગ્રેસનું કહેવું છે કે કસાબ નિર્દોષ છે. પાકિસ્તાને પણ માની લીધું હતું કે, તે આ ષડયંત્રમાં સંકળાયેલ છે. તમામ લોકોને ખબર હતી કે કસાબને સજા અપાવવા માટે કાનૂની કાર્યવાહી કરવામાં આવી હતી. નિકમે કહ્યું કે 4 જૂને આ લોકોને જનતા જવાબ આપશે. દેવેન્દ્ર ફડણવીસે કહ્યું કે અમારૂ તેમજ નિકમનો સાથ છે. ત્યાં કોંગ્રેસને કસાબ સાથે હાથ મિલાવી લીધો છે. શિવસેનાનાં પ્રવક્તા કિરન પાવસ્કરે કહ્યું કે NIAએ વડેત્તિવારની ધરપકડ કરવી જોઈએ. મોટી આશ્ચર્યની વાત છે કે આવા નિવેદન પર ઉદ્ધવ ઠાકરે પણ ચૂપ છે.
