ઐતિહાસિક કાર્ય / દેશનાં બિનભાજપ શાસિત આ રાજ્યની સ્કૂલોમાં બાળકોને બંધારણ ભણાવવું ફરજિયાત

• મહારાષ્ટ્રની સ્કૂલોમાં બંધારણની પ્રસ્તાવનાનું પઠન
• 26 જાન્યુઆરીથી એ ફરજિયાત કરવામાં આવશે
• રાજ્ય મંત્રી વર્ષા ગાયકવાડે મંગળવારે આ માહિતી આપી હતી.

પઠન બંધારણની સંપ્રભુત્તા, તમામનાં કલ્યાણ અભિયાનનો ભાગ છે. 

મહારાષ્ટ્રમાં 26 જાન્યુઆરીથી તમામ સ્કૂલોમાં રોજ પ્રાર્થના બાદ બંધારણની પ્રસ્તાવનાનું નિયમિત પઠન કરવામાં આવશે.  રાજ્યનાં મંત્રી વર્ષ ગાયકવાડે મંગળવારે આ માહિતી આપી હતી કે રાજ્ય સરકારનાં એક પરિપત્રમાં કહેવામાં આવ્યું છે કે બંધારણની પ્રસ્તાવનાનું પઠન બંધારણની સંપ્રભુત્તા, તમામનાં કલ્યાણ અભિયાનનો ભાગ છે. 

આ પ્રસ્તાવ ઘણો જૂનો છે

કોંગ્રેસનાં ધારાસભ્ય અને મંત્રી વર્ષા ગાયકવાડે જણાવ્યું હતું કે,‘વિદ્યાર્થીઓ બંધારણની પ્રસ્તાવનાનું પઠન કરશે જેથી તે તેનું મહત્વ સમજી શકશે. સરકારનો આ પ્રસ્તાવ ઘણો જૂનો છે પરંતુ આને 26 જાન્યુઆરીથી લાગુ કરવામાં આવશે. ’આ અંગે સરકારે ફેબ્રુઆરી વર્ષ 2013માં પરિપત્ર જાહેર કર્યો હતો. તે સમયે રાજ્યમાં કોંગ્રેસ - રાકપાની સરકાર હતી. મંત્રીએ એમ પણ જણાવ્યું હતું કે વિદ્યાર્થીઓ રોજ સ્કૂલમાં પ્રાર્થનાં બાદ પ્રસ્તાવનાનું પઠન કરશે.