ટેકનોલોજી / VIDEO: શું તમારા ફોનમાં વાયરસ તો નથી ને? સરકારે સ્ટેપ બાય સ્ટેપ ફ્રોડથી બચવા બતાવી ગજબ ટ્રીક

ભારતમાં ખૂબ જ જડપથી સાયબર ક્રાઇમના કેસની સંખ્યા ઝડપથી વધી રહી છે. લોકોને ઠગવા માટે સ્કેમર્સ નવી-નવી રીતો શોધી રહ્યા છે અને લોકોને ટાર્ગેટ કરી રહ્યા છે. સ્કેમર્સ લોકોની પર્સનલ ડિટેલ્સ ચોરી કરીને લોકો પાસેથી પૈસા પડાવી રહ્યા છે. ઘણીવાર આ સ્કેમર્સ નકલી એપ્સ બનાવે છે જે અસલી એપ્સ જેવી જ દેખાય છે. ઘણા લોકો આ એપ્સ ડાઉનલોડ કરી લે છે અને પછી તેમની સંવેદનશીલ માહિતી જેમ કે ક્રેડિટ કાર્ડની ડિટેલ્સ, બેંક અને અન્ય ડિટેલ્સ લીક થઈ જાય છે.

લોકોના ફોનમાં ઇન્સ્ટોલ થયેલી આ નકલી એપ્સ પર્સનલ ઇન્ફોર્મેશન હેકર્સ સુધી પહોંચાડે છે. હેકર્સ આનો દુરુપયોગ કરી શકે છે. હેકર્સ આ માહિતીનો ઉપયોગ કરીને લોકો સાથે છેતરપિંડી આચરે છે અથવા આ ઇન્ફોર્મેશન લોકોને બ્લેકમેલ કરવા માટે પણ વાપરી શકે છે. ખાસ કરીને હેકર્સ આવું ત્યારે કરે છે, જ્યારે તેમને યુઝર્સના પર્સનલ ફોટો અથવા વીડિયોનું ઍક્સેસ મળે છે.

ત્યારે બીજી તરફ સરકાર સાયબર ક્રાઇમને રોકવા માટે સતત પગલાં લઈ રહી છે. તાજેતરમાં જ દૂરસંચાર વિભાગે X પર એક વીડિયો શેર કર્યો છે, જેમાં કહેવામાં આવ્યું છે કે તમે તમારા ફોનમાંથી આવી નકલી અને ખતરનાક એપ્સને કેવી રીતે ઓળખી શકો છો.

તમારા સ્માર્ટફોનમાંથી ખતરનાક એપ્સ કેવી રીતે ઓળખશો?

• સૌથી પહેલા ફોનમાં Google Play Store ઓપન કરો.
• આ પછી ઉપર જમણી બાજુએ પ્રોફાઈલ આઈકન પર ટેપ કરો.
• મેનુમાં Play Protect વિકલ્પ પસંદ કરો.
• આ પછી સ્કેન બટન પર ક્લિક કરો.
• સ્કેન પૂર્ણ થયા પછી, જો ડિવાઈસમાં કોઈ ખતરનાક એપ્લિકેશન મળશે તો તમને એલર્ટ મળી જશે.

આ પણ વાંચો: નહીં પડે પાસવર્ડની જરૂર, ફટાક દઇને પેમેન્ટ થઇ જશે, સાથે સમય પણ બચશે, જાણો ટેક્નોલોજી

આવતીકાલથી લાગુ થઈ જશે આ નિયમ

આ ઉપરાંત, જણાવી દઈએ કે આવતીકાલથી એટલે કે 11 ડિસેમ્બરથી, TRAI 'મેસેજ ટ્રેસેબિલિટી' નિયમ લાવી રહ્યું છે, જેના પછી ફેક મેસેજનું ટેન્શન ખતમ થઈ જશે. એવા કોઈપણ મેસેજને સ્વીકારવામાં આવશે નહીં, જેમાં ટેલીમાર્કેટરની નંબર સીરીઝનો યૂઝ કરવામાં નહીં આવ્યો હોય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ