- ટીમ ઈન્ડિયાને મોટો ઝટકો
- દીપક ચહર-શમી સાઉથ આફ્રીકા પ્રવાસથી OUT
- આ અજાણ્યા ખેલાડીની થઈ એન્ટ્રી
ટીમ ઈન્ડિયા આ સમયે દક્ષિણ આફ્રીકા પ્રવાસ પર છે. ટી20 સીરિઝ પૂર્ણ થઈ ગઈ છે. હવે ટીમ ઈન્ડિયા વનડે અને તેની બાદ ટેસ્ટ સીરિઝ રમશે. ટીમ ઈન્ડિયાને આ બન્ને સીરિઝથી પહેલા જ ઝટકો લાગ્યો છે. ફાસ્ટ બોલર દીપક ચહર વનડે સીરિઝથી હટી ગયા છે. ત્યાં જ મોહમ્મદ શમી ટેસ્ટ સીરિઝથી બહાર થઈ ગયા છે.
BCCIએ ટ્વીટ કરી આપી જાણકારી
BCCIએ એક ટ્વીટ કરી પૂર્ણ મામલાની જાણકારી આપી છે. BCCIએ જણાવ્યું કે ચહરે BCCIને સુચિત કર્યું છે કે તે ફેમિલી મેડિકલ ઈમરજન્સીના કારણે આગામી વનડે સીરિઝ માટે ઉપલબ્ધ નહીં રહે. હવે દીપક ચહરની જગ્યા પર આકાશ દીપને શામેલ કરવામાં આવ્યા છે.
વનડે વર્લ્ડ કપમાં સૌથી વધારે 24 વિકેટ લેનાર મોહમ્મદ શમી જેમની ટેસ્ટ સીરિઝમાં ભાગીદારી ફિટનેસ પર નિર્ભર હતી. તેમને BCCIની મેડિકલ ટીમે રમવાની પરવાનગી નથી આપી. એવામાં વર્લ્ડ કપનો આ સ્ટાર ફાસ્ટ બોલર બે ટેસ્ટ મેચોની સીરિઝથી બહાર થઈ ગયો છે.
17 ડિસેમ્બરે જોહાનિસબર્ગમાં પહેલી વનડે પૂર્ણ થયા બાદ શ્રેયસ અય્યર ટેસ્ટ સીરિઝ માટે ટેસ્ટ ટીમમાં શામેલ થશે. આ બીજી અને ત્રીજી વનડે માટે ઉપલબ્ધ નહીં રહે અને ઈન્ટર-સ્ક્વોર્ડ ગેમમાં ભાગ લેશે.
રાહુલ દ્રવિડની જગ્યા પર સિતાંશુ કોટકને જવાબદારી
ટીમ ઈન્ડિયાના હેડ કોચ રાહુલ દ્રવિડ, બેટિંગ કોચ વિક્રમ રાઠોડ, બોલર કોચ પારસ મ્હામ્બ્રે અને ફિલ્ડિંગ કોચ ટી. દિલીપ ટેસ્ટ ટીમની સાથે જોડાશે. ત્યાં જ તે ઈન્ટર-સ્ક્વોડ ગેમ અને ટેસ્ટ માટે તૈયારીની દેખરેખ કરશે.
